ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ads
د پکتيکا د ښځو چارو رييسه نغدي جريمه شوه

د پکتيکا د ښځو چارو رييسه نغدي جريمه شوه

author avatar
12 Apr 2014 - 12:02
د پکتيکا د ښځو چارو رييسه نغدي جريمه شوه
author avatar
12 Apr 2014 - 12:02

ښرنه (پژواک ٢٣ ورى ٩٣): په پکتيکا کې د ټاکنيزو شکايتونو کمېسيون، د دغه ولايت د ښځو چارو رييسه د څارونکې د جعلي کارت د کارولو له امله نغدي جريمه کړه.

د ياد ولايت د ټاکنيزو شکايتونو د کمېسيون کمېشنر عبدالمجيد ملنګ د وري په ۲۳مه پژواک خبري اژانس ته وويل، چې د ښځو چارو رييسه بي بي حوا د ټاکنو په ورځ د ناظرې په توګه له جعلي کارت څخه ګټه اخيستې وه.

هغه زياته کړه، چې د ښځو چارو رييسې د ښرنې د رايې ورکولو د محل له کار کوونکو سره هم بد چلند کړی و.

د ملنګ په وينا، بي بي حوا له همدې امله پنځه دېرش زره افغانۍ نغدي جريمه شوه.

ده وويل، تر اوسه يې ۴۰ رسمي شکايتونه ثبت کړي، چې په کې ۱۵ مستند دي.

د نوموړي په وينا، ډېری شکايتونه کانديدانو ته د رايې صندوقونو د ډکولو په اړه دي، چې ځينو کسانو په کې درغلۍ کړې دي.

هغه وويل، د دغو شکايتونو په اړه د پوره اسنادو له وړاندې کولو وروسته به دوی په دې اړه اقدام وکړي.

پژواک هڅه وکړه، چې د ښځو چارو رييسې نظر واخلي، خو له هغې سره د اړيکو په نيولو بريالى نه شو.

Hits: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.