ميدان وردګ (پژواک ١٩ ورى ٩٤): د ميدان وردګو ولايت په نرخ ولسوالۍ کې د ځوانانو ټولنې له خوا پسرلنۍ مشاعره جوړه شوه.
د ميدان وردګو د سرپرست والي وياند عطاءالله خوږياڼي، پژواک خبري اژانس ته وويل، دغه مشاعره، چې د نرخ ولسوالۍ په مقام کې جوړه شوې وه، په کې له چارواکو سربېره ګڼ شمېر ځوانانو او مخورو برخه اخيستې وه.
ده زياته کړه، په دې مشاعره کې د نرخ ولسوال محمد حنيف حنيفي وويل، چې له کلونو وروسته نرخ د پسرلنۍ مشاعرې کوربه شو.
ولسوال وايي، شاعران کولاى شي، د شعر په ژبه د اصلاح په موخه د انتقاد او ستاينې ترڅنګ د جګړو غندنه، د سولې غوښتنه او نور مهم موضوعات ياد کړي.
وروسته د لسګونو شاعرانو له لوري د سولې، امن او يووالي د ارزښت او نورو بېلابېلو موضوعاتو اړوند، خپل ليکلي شعرونه ګډونوالو ته واورول.
د مشاعرې په پاى کې د ولسوالۍ مقام له لوري، يو شمېر شاعرانو ته برابرې شوې ډالۍ هم ورکړل شوې.
بايد ووشي، چې څو ورځې وړاندې د دې ولايت په چک ولسوالۍ کې هم، له کلونو ځنډ وروسته د لسګونو کسانو په ګډون مشاعره ترسره شوه.
غړيYou need to subscribe to view the full article. Please login or register a new account.
