مزارشريف (پژواک، ۱۳ وږی ۹۴ ) : د بلخ ولايت په مرکز مزارشريف کې د يوې غونډې په ترسره کولو افغان هستوي فزيکپوه ډاکټر رحمت الله تنها ونمانځل شو.
دغه نمانځنه، چې د بلخ ادبي خوځښت په نامه د يو فرهنګي او ټولنيز مرکز په نوښت د وږي په ۱۴مه، جوړه شوې وه، د بلخ پوهنتون استادانو، محصلينو، د بېلا بېلو مدني ټولنو غړو او عامو ځوانانو پکې برخه اخيستې وه.
ډاکټر رحمت الله تنها له۲۰۱۱تر۲۰۱۴پورې په کابل پوهنتونکې د استادۍ ترڅنګ دافغانستان اټومي انرژې کميسيون دهستوي ټکنالوژۍ مشر پاتې شوی، دم ګړۍ په المان کې د اتومي انرژۍ په برخه کې د دوکتوار په زده کړو بوخت دی.
نوموړي په دې وروستيو کې په المان کې په يو کانفرانس کې د اټومي انرژۍ په برخه کې خپلې څېړنې د پاور پاينټ او پوسټر له لارې وړاندې کړې، چې د لسګونو هېوادنو تر منځ يې لومړۍ درجه خپله کړې ده.
محمد تنها ته د دغو غوره څېړنو سند هم ورکړل شوی دی.
د ياد خوځښت د مشرتابه غړي او د بلخ پوهنتون استاد ضمير څار د يادې غونډې په څنډه کې پژواک خبري اژانس ته وويل، چې د ډاکټر محمد تنها له نمانځنې څخه يې موخه ولس ته د دوی د سمو خلکو ورپېژندل دي.
نوموړي زياته کړه، چې که تاريخ لولو او او که اوس ته ګورو، ډېری وخت ځينې زورواکي او د ټوپک په زور ځای پيدا کوونکي خلک په ولس باندې د مشرانو او درنو خلکو په توګه تپل شوي دي.
د هغه په وينا ورته ناستې د سمو خلکو په پېژندنه کې له ولس سره مرسته کوي.
د غونډې ويناوال او د بوکې سيمې د ليسې مدير احمدشاه واکمن د خپلو خبرو په ترڅ کې وويل، چې د افغانستان د اوسني ناورين د له منځه وړلو لپاره له ټول بنسټيزه لاره پوهه تر لاسه کول دي.
نوموړي زياته کړه، چې د افغانانو لپاره د وياړ ځای دی، چې په دې جنګ ځپلي هېواد کې د ډاکټر محمد تنها په څېر علمی کسان هم لري.
د غونډې برخوال ډاکټر غلام رسول ملکزي پژواک ته وويل، دی خوښ دی، چې اوس افغانان خپل رښتيني اتلان پېژني.
نوموړي زياته کړه، چې ډاکټر تنها د زور او ټوپک له لوري نه بلکې دې وطن د علمي کړنو له لارې د خلکو زړونه ته لاره موندلې ده.
د هغه په وينا په کار ده، چې دغه غښتلی ځوان خپلې علمي چارې لا پسې ګړندۍ کړي او وطن ته وياړونه وبښي.
غړيYou need to subscribe to view the full article. Please login or register a new account.
