چاريکار (پژواک، ٢٧ لړم ٩٤): د ښوونځي تړلې دروازې ته د څادرۍ لرونکې ولاړې نجلۍ کښل شوى انځور، دغه د انځورګرې حميرا تر ټولو وروستۍ انځور دی چې سترګې ځان ته ورکاږي.
اتلس کلنه حميرا د پروان د جبل سراج ولسوالۍ د مناره کلي اوسېدونکې ده چې د دې ولسوالۍ د نجونو لېسې په دوولسم ټولګي کې د زده کړې ترڅنګ له شپږو کلونو راهيسې رسامي کوي.
دا انځورګره نجلۍ چې د جبل سراج د نجونو لېسې په کتابتونو کې د ياد انځور پر بشپړولو بوخته وه، د ښوونځي ځيني زده کوونکي او ښوونکي په ډېره لېوالتيا د هغې د دغه هنر نندارې ته حيران و.
د حميرا په يوه کښل شوي انځور کې يوه چادري واله نجلۍ ښکاري چې ژاړي او د ښوونځي د تړل شوې دروازې څنګ ته ولاړه ده.
دا انځورګره نجلۍ استاد نه لري، تر اوسه يې د طبيعت د ښکلاوو تر څنګ د ٥٨ مشهورو شخصيتونو لکه مولانا جلال الدين بلخي، احمدشاه بابا، سيدجمال الدين افغان، احمدشاه مسعود، حافظ شېرازي، سعدي او نورو انځورونه کښلي دي.
هغې زياته کړه چې لومړى انځور يې د نړۍ د ستر رياضي پوه "فيثاغورث" انځور دى چې د ټولو په ځانګړي ډول د ښوونځي د ښوونکو او د هغې د ټولګيوالو د خوښې وړ وګرځېد.
هغې وويل: ((که چېرته د رخشانې اصلي تصوير پيدا کړم، داسې ښکلى به يې انځور کړم چې په تاريخ کې تلپاتی شي.))
راپورونه څرګندوي چې طالبانو د روان کال د لړم په ٣مه نېټه ١٩ کلنه رخشانه د غور ولايت د مرکز اړوند په اودک غلمين کلي کې په عام محضر کې سنګسار کړه.
راپورونه زياتوي چې رخشانې تازه واده کړى و او له يوه بل هلک سره د فيروز کوه مرغاب سيمې ته تښتېدلې وه چې طالبانو له نيولو وروسته سنګسار کړه.
نوموړي زياته کړه: ((اقتصادي حالت مې ځکه ښه نه دى چې يو ورور مې په ملي اردو کې سرتېرى دى او د کور ټولې اړتياوې مو پوره کوي.))
د جبل سراج د نجونو لېسې امرې ليدا احمدي د حميران په اړه وويل، حميرا تکړه او ذکي نجلۍ ده، د رسامۍ او نقاشۍ په هنر کې ځانګړی او جادويي استعداد لري.
د هغې په خبره، حميرا د ښوونځي د ښوونکو او زده کوونکو له خوا هڅول کېږي، خو تر اوسه کوم چا يا کومې ډلې ورسره مالي مرسته نه ده کړې.
د حميرا ټولګيوالې شمسيې هم د حميرا د انځور ګرۍ او نقاشۍ د هنر ستاينه وکړه.
شمسيه گفت د حميرا د انځورګۍ د بهير له لېدو سره لېواليتا لري، ځکه چې حميرا په خپلو لاسونو ښکلي او هنري انځورونه باسي.
غړيYou need to subscribe to view the full article. Please login or register a new account.










