غزني ښار(پژواک،۵ليندۍ۹۴): په غزني ولايت کې د تېر يو کال په اوږدو کې د ښځو پر وړاندې د تاوتريخوالي اتيا پېښې ثبت شوې دي.
دغه څرګندونې د غزني ولايت د ښځو چارو مشرې شکريې ولي د ليندۍ په پنځمه غزني کې د ښځو پر وړاندې د تاوتريخوالي د مخنيوي په اړه جوړې شوې غونډې ته وکړې.
هغې وويل چې په تېريو کال کې په دغه ولايت کې د ښځو پر وړاندې د تاوتريخوالي اتيا پېښې ثبت شوې دي.
نوموړې وويل چې په دغو پېښو کې د وهلو ترڅنګ له کوره د تېښتې پېښې هم شاملې دي.
د هغې د معلوماتو له مخې، د تاوتريخوالي دغه پېښې د غزني په ښار او ځينو ولسواليو کې ترسره شوې دي.
مېرمن ولي زياته کړه : (( بې کاري، بې سوادي، په نشه يي توکو د خاوندانو روږدېدل او له قانون څخه بې خبري د دې پېښو لاملونه دي.))
هغې په غزني کې له مدني ټولنو، رسنيو او نورو اړوندو ارګانونو غوښتنه وکړه چې په دغه ولايت کې د ښځو پر وړاندې د تاوتريخوالي په مخنيوي کې ورسره مرسته وکړي.
په دغه غونډه کې د غزني مرستيال والي محمد علي احمدي هم وويل چې په دې ولايت کې د ښځو پر وړاندې د تاوتريخوالي پېښې ډيرې شوې دي.
احمدي وايي چې په غزني کې له ښځو سره د بد چلند له امله د طلاق پېښې هم مخ په زياتېدو دي.
د هغه په وينا، حکومت اړ دى چې په دغه ولايت او نور هېواد کې د ښځو پر وړاندې د تاوتريخوالي مخه ونيسي.
په ياده غونډه کې ديني عالم شيخ توصلي وويل چې د تاوتريخوالي ډيرې پېښې له قانون څخه د ناخبرۍ په صورت کې رامنځته کيږي.
دده په خبره چې ښځې ته هم بايد د نارينه وو په څېر د زده کړو کولو اجازه ورکړل شي ، ترڅو د تاوترخوالي پېښې کمې شي.
توصلي زياته کړه : (( په لرو پرتو سيمو کې څه چې ان په ښارونو کې داسې خلک شته چې يو د بل په حقونو نه پوهيږي.))
د غزني د ښځو چارو رياست وايي چې په دغه ولايت کې د نا امنيو له امله د ښځو پر وړاندې د تاوتريخوالي ډيرې پېښې نه دي ثبت شوې.
د ياد رياست د معلوماتو له مخې ، تېرکال په دغه ولايت کې د ښځو پر وړاندې د تاوتريخوالي ٧٠ پېښې ثبت شوې وې.
غړيYou need to subscribe to view the full article. Please login or register a new account.
