مزارشريف (پژواک، ۱۹ ليندۍ ۹۴): د بلخ په مرکز مزارشريف ښار کې د خبريالۍ د اخلاقو په اړه د شمال زون د خبريالانو تر منځ ناسته وشوه.
دغه ناسته چې د ليندۍ په ۱۹مه د نی دفتر له خوا برابره شوې وه، په کې د شمال زون د ځينو ولايتونو د خبريالانو له خوا پر هغې مسوده خبرې اترې وشوې چې ياد دفتر د خبريالۍ د اخلاقو په اړه برابره کړې وه.
په مزارشريف کې د نی دفتر سيمه ييز مسوول نوراغا شريفي پژواک خبري اژانس ته وويل چې په هېواد کې د خبريالانو له خوا د خبريالۍ د اخلاقو د مسودې نشتوالی حس کېږي.
نوموړي زياته کړه چې نی دفتر په همدې تړاو د خبريالۍ د اخلاقو په اړه يوه مسوده برابره کړې ده چې په کې د خبريال او د رسنۍ د مسوول اخلاقي مسووليتونه په ګوته شوي دي.
د هغه په وينا، نی دفتر په پام کې لري چې دغه مسوده د ټول هېواد له خبريالانو سره شريکه کړي، د هغوی نظريات پرې واخلي او بيا يې د افغان خبريالانو د اخلاقي اصولو په توګه وړاندې کړي.
شريفي وويل، نن په همدې تړاو د شمال زون د ځينو ولايتونو خبريالان د نی دفتر له خوا د همدې مسودې په تړاو نظر ورکولو ته بلل شوي دي.
په شمال کې د ازادۍ راديو خبريال مجيب الرحمن حبيبزي پژواک اژانس ته وويل چې د خبريالۍ اخلاقو له مراعتولو پرته خبريالي ناشوني ده.
نوموړي د دې غونډې په اړه وويل چې د خبريالۍ اخلاق تر ډېره مسلکي چلند دی او د خبريالانو له خوا يې ټاکل دومره زورور اړخ نه ښکاري.
د هغه په وينا، ښه به وي چې خبريالانو د خبريالۍ د اخلاقو په تړاو خپلې مشورې له يو بل سره شريکې کړي نه دا چې يو بل ته سرې کرښې کش کړي.
په بلخ کې د کابل پوسټ ورځپاڼې خبريال نجيب الله پژواک ته وويل، اړتيا ده چې د خبريالۍ د اخلاقو په تړاو ډېر څه واوري.
نوموړي زياته کړه چې نن يې هغه مسوده ترلاسه کړه چې نی د خبريالۍ د اخلاقو په تړاو جوړه کړې ده.
د هغه په وينا، نوي څه په کې نه و، بلکې په عمومي توګه د خبريالۍ د هغو اخلاقو په اړه په کې ټينګار شوی و چې بايد يو خبريال پرې پوه وي.
په کابل کې د نی دفتر راپور ليکونکي فهيم صابر چې په ياده غونډه کې يې برخه اخيستې وه، پژواک ته وويل چې دوی پام کې لري چې په همدې تړاو دويمه غونډه په کابل او بيا د هېواد په ټولو زونو کې ونيسي.
غړيYou need to subscribe to view the full article. Please login or register a new account.
