جلال اباد (پژواک،۲۲سلواغه۹۴): د ښارجوړنې وزير ننګرهار ولايت ته په سفر کې اعلان وکړ، چې د هېواد د اوو سترو ښارونو د جوړېدو پر ماسټرپلان بيا کتنه کوي.
سيد سعادات منصور نادري د سلواغې په ۲۲مه، د ننګرهار ولايت د مقام د نوې ودانۍ په پرانېسته کې وويل چې د کابل، کندهار، مزارشريف، هرات، ننګرهار په ګډون د اوو ولايتونو ماسټرپلان له اوسني ښاري انکشاف سره برابر نه دی.
ده زياته کړه: ((د يادو ولايتونو ماسټرپلان پخوانی دی، دې ښارونو کې ډېرې پانګونې شوي؛ نو په هغه ډول تطبيق يې ستونزې لري؛ موږ غواړو د نوي ښاري تګلارې پر بنسټ يې جوړ کړو.))
نوموړى وايي، په دې تړاو يې خپل وړانديزونه له ولسمشر سره شريک کړي او د ده په وينا، منظور کړي دي، چې ډېر ژر به يې پر تګلاره کار پيل شي.
د هغه په وينا، د هېواد په کچه د اوسېدو لپاره ۱۰زره کورونه جوړوي او په دې برخه کې د چين په ګډون د مرستندويانو مرستې راجلبوي.
دى وايي: ((د ملي پيوستون پروګرام په تړاو کار پيل شوی، ځينو هېوادونو په دې برخه کې د مرستو ژمنه کړې ده، موږ به په راتلونکو کې دوو مياشتو کې دا پروګرام پيل کړو.))
د ننګرهار والي سليم خان کندوزي وويل، چې د ننګرهار په مرکز جلال اباد کې د خلکو نفوس تر پخوا ډېر شوی او د کورونو د جوړېدو ځمکې په کې کمې شوې دي.
هغه وويل: ((موږ به د ښارجوړونې له وزير سره د ښار پر پرمختيايي پلان او د ښارګوټو د څرنګوالي او په کې د شته ستونزو په تړاو خبرې وکړو.))
وروسته دغو دواړه چارواکو له ځينو مسوولينو سره د ننګرهار ولايت د مقام نوې ودانۍ ګټې اخيستنې ته وړاندې کړه او يادونه يې وکړه، چې د ولايت په کاري برخه کې به ډېرې اسانتياوې رامنځ ته کړي.
والي وايي: ((دا ودانۍ د ولايت مقام دننه په درې پوړو کې د سيمه ييزو ارګانونو په ۲۶ ميليونه افغانۍ لګښت جوړه شوه، ۴۳ اداري او کاري خونې لري او ډېر ژر به د ولايت مقام کارکوونکي دغلته راانتقال شي.))
د هغه په وينا، مرکزي ادارو ژمنه کې چې په راتلونکي مياشت کې به دې ودانۍ ته کاري وسايل او نور تجهيزات هم راولېږي.
غړيYou need to subscribe to view the full article. Please login or register a new account.
