کابل (پژواک،٢٧کب ٩٤ ): د خبريال ورځې پر نمانځنې سره، د افغانستان خبريالانو مرکز اعلان وکړ چې ١٣٩٤کال د خبريالانو او رسنيو لپاره تر ټولو له ننګونو ډک کال و، حکومت بايد د بيان ازادي او رسنيو په برخه کې خپلې ژمنې په جدي توګه عملي کړي.
نن د کب ٢٧مه(خبريال ورځ) په داسې حال کې ونمانځله چې هېواد کې د وروستيو ناامنيو او ګواښونو زياتېدو له امله د رسنيو لسګونو خبريالان او کارکوونکي له کار څخه ګوښه شوي او يا يې هېواد پرېښى دى.
د افغان خبريالانو مرکز وايي چې هېواد کې د وسله والو مخالفينو د خوځښتونو زياتېدل، د ناامنيو پراخېدل او د رسنيو ټولنې اقتصادي ستونزې د اندېښنې وړ دي، چې د رسنيو کورنۍ ته يې جدي زيانونه اړولي دي.
دا مرکز زياتوي چې هېواد کې په ځانګړه توګه سوېل، سوېل ختيځ او شمال ختيځ ولايتونو کې د ناامنيو او شخړو زياتوالي، د رسنيو پر کارکوونکو ناوړه رواني اغېزې پرې ايستې دي او سانسور ته يې لاره هواره کړې ده.
د افغان خبريالانو مرکز اجرايي مشر، احمد قريشي نننۍ ناسته کې وويل چې دې مرکز روان کال کې د هېواد په کچه د خبريالانو پر وړاندې د تاوتريخوالي ١٩١ پېښې ثبت کړي ،په داسې حال کې چې دا شمېره ١٣٩٣ کال کې ١٠٣ قضيې وي.
د نوموړي په وينا، دا شمېرې په ګوته کوي چې روان کال کې د ښځو په ګډون د رسنيو ١٠ خبريالان او کارکوونکي وژل شوي چې اووه يې د طلوع تلوېزيون کارکوونکي و چې يو ځانمرګي بريد کې ووژل شول.
د قريشي د معلوماتو له مخې، درې نور چې د يوې سيمه ييزې راډيو کارکوونکي وو او په ورته مهال يې د بې پولې ډاکټرانو خيريه سازمان سره کار کاوه، کندوز ښار کې د امريکايي ځواکونو له لوري، ددې سازمان پر روغتون بريد کې ووژل شول،کابل کې د اسيا تلوېزيون مدير مسوول ووژل شو او دملي راډيو تلوېزيون خبريال د وسله والو کسانو پر ډزو ننګرهار کې ووژل شو.
قريشي ټينګار وکړ چې د ناامنيو او ګواښونو زياتېدو او د قانون ټينګښت کمزورۍ ته په کتو سره، وضعيت سم نه دى او که وضعيت ښه نه شي او حکومت د قانون په رڼا کې د بيان ازادۍ او د کارمندانو د حقونو نه ددفاع په برخه کې کار ونه کړي، په دې برخه کې مثبت ليدلورى نه تر سترګو کېږي.
نوموړي وويل چې د ډيموکراسي د ټينګښت، غوره حکومتولۍ، اداري روڼتيا، د بشرحقونو وضعيت او عدالت تامين په برخه کې چې رسنۍ کومې مثبتې اغېزې لري، حکومت او نړيواله ټولنه دې د رسنيو په وړاندې اوسنى اندېښناک وضعيت جدي ونيسي.
د افغانستان د خبريالانو مرکز اجرايي مشر وايي چې يوه اندېښنه دا ده څو هېواد کې د رسنيو پرمختګ د سولې خبرو اترو قرباني نه شي او حکومت دې د بيان ازادۍ په برخه کې پرخپلو ژمنو وفا وکړي.
نوموړي وړاندېز وکړ، حکومت چې د سولې خبرو اترو په برخه کې کومې ژمنې کړې دي له هغه دې نه پرشاکېږي او د بيان ازادي او رسنۍ دې له ياد بهيرڅخه نه قرباني کوي.
ددې خبري غونډې په پاى کې د ١٣٩٤ کال خبريال جايزه د اريانا نيوز خبريالې معروفې ذکي ته ورکړل شوه او ددې ترڅنګ د پژواک خبري اژانس خبريالۍ ستورى کريمي په ګډون ٩ خبريالانو ته د کال غوره راپور چمتوکوونکو په نوم ستاينليکونه ورکړل شول.
غړيYou need to subscribe to view the full article. Please login or register a new account.
