مزارشريف (پژواک، ۱۳ غويی ۹۵): په بلخ کې د ميديوتيک رسنيز دفتر له خوا د رسنيو نړيواله ورځ (د مې ۳مه) د لسګونو خبريالانو او د خبريالانو د ټولنو د استازو په ګډون ونمانځل شوه.
ياده غونډه چې د غويي په ۱۳مه ترسره شوه، په ترڅ کې يې د پژواک خبري اژانس د خبريال په ګډون لسګونو خبريالانو ته د ښو ژورنالېستيکو چارو د ترسره کولو په پار ستاينليکونه ورکړل شول.
همداراز د خبريالانو د ټولنو استازو، روان کال د ځينو ژورنالېستيکو لاسته رواړنو تر څنګ ستونزمن هم وباله.
د بلخ ميديوتيک رسنيز دفتر مسوول صابر نقشنبدي پژواک خبري اژانس ته وويل چې ياده نمانځنه يې د بلخ د ښو خبريالانو د ستاينې په پلمه جوړه کړې ده.
نوموړي زياته کړه چې په ياده غونډه کې د بلخ يو شمېر تجربه لرونکي او د ښو ژورنالېستکو چارو ترسره کوونکي خبريالان د ميديوتيک له خوا پر ستاينليکونه ونازول شول.
د ميديوتيک له خوا په بلخ کې له تېرو څو کلونو د پژواک خبري اژانس ژورنالېستيکې چارې هم ښې و ارزول شوې چې له امله د دغه اژانس خبريال ذبيح الله احساس ته د ښو خدمتونو په پار ستاينليک ورکړل شو.
په بلخ کې د نی رسنيز دفتر مسوول نوراغا شريفي يادې غونډې ته د خبرو په ترڅ کې وويل چې لا هم ځيني وخت خبريالان د شته سياسي او امنيتي ګواښونو له امله خودسانسوري ته مجبوره کېږي.
نوموړي زياته کړه چې که څه هم په روان کال کې د خبريالانو د چارو اړوند ځيني قوانین تصويب کړای شول؛ خو بيا هم خبريالان له امنيتي ستونزو سره لاس او ګرېوان دي.
نوموړي زياته کړه چې په تېر کال کې د خبريالانو پر وړاندې د تاوتريخوالي ۱۱۶ پېښې ثبت شوې چې ۶ يې د وژنو او پاتې يې د وهلو ټکولو، ګواښ او د معلوماتو ته د نه لاسرسي په تړاو دي.
د هغه په وينا، په يادو پېښو کې تر ډېره وسله وال مخالفين او ورپسې زورواکي او دولتي چارواکي ښکېل دي.
غړيYou need to subscribe to view the full article. Please login or register a new account.
