کابل (پژواک، ۱٤ وږی ۹۵): د سواد نړيوالې ادارې (ILA) د افغانستان د "قلم لار ټولنې" مشر مطيع الله ويسا په روان ميلادي کال کې د سواد زده کړو په برخه کې د نړۍ د دېرشو ځوانو رهبرانو په نوملړ کې شامل کړى دى.
ياد ٣٠ تنه چې عمرونه يې تر ٣٠ کلونو ټيټ دي، د نړۍ د ١٢ هېوادونو اوسېدونکي دي او نومونه يې د سواد نړيوالې ادارې په مجله کې خپاره شوي دي.
سرچينه ليکي چې يادو ٣٠ کسانو په ملي او نړيواله کچه د پوهنې په برخه کې د پام وړ خدمتونه کړي دي.
دغه اداره له ۶۰ کلونو راهيسې د نړۍ په شاوخوا ۷۰ هېوادونو کې فعاليت لري او هر کال د سواد د نړيوالۍ ورځې (د سپټمبر اتمه ) په مناسبت هغه کسان د ځوانو رهبرانو په نوم نړۍ ته ورپېژني چې د زده کړو د ترويج، د کتابتونونو او ښوونځيو د جوړېدو او له بېوزلو زده کوونکو سره د مرستو په برخه کې کار کوي.
د مطيع الله ويسا ورور عطالله ويسا پژواک خبري اژانس ته وويل: "وياړم چې ورور مې مطيع الله ويسا د پوهنې او زده کړو د ترويج په برخه کې د خپلو کړو خدمتونو له مخې د يوې نړيوالې او با اعتباره ادارې له خوا د ځوان رهبر لقب ورکړل شو."
هغه وايي چې مطيع الله ويسا له تېرو اتو کلونو راهيسې د بېلابېلو مدني ټولنو غړيتوب درلود او په ١٣٩٣ کال يې د"قلم لار ټولنې" بنسټ کېښود.
د ده په وينا، مطيع الله له همدې لارو خلک د نجونو ښوونځيو جوړولو ته هڅولي، له خلکو يې مرستې راټولې کړې او بيا يې له بېوزلو زده کوونکو سره د قرطاسيې، کتابونو او نورو اړينو توکيومرستې کړې دي.
دغه راز هغه وايي چې مطيع الله د خلکو په مرسته يو شمېر تړلي ښوونځي هم بېرته پرانيستي دي.
د ده معلوماتو له مخې، مطيع الله ويسا په ۱۳۷۱ کال کې په کندهار کې ږيږيدلی، د کابل رحمان بابا ليسه کې يې زده کړې کړي او د هندوستان د پونې له پوهنتون څخه يې په سياسي علومو کې د ليسانس تر کچې زده کړې کړي دي.
غړيYou need to subscribe to view the full article. Please login or register a new account.
