جلال اباد (پژواک، ۲۰ وږی ۹۵): د ننګرهار د اطلاعاتو او فرهنګ رياست د بيارغونې چارې چې د دغه رياست د سرپرست له لوري پيل شوې وې، بشپړې او نن رسماً ګټې اخیستنې ته وسپارل شوې.
په يادو رغنيزو چارو کې د ادبي مشاهيرو يو انځورتون، د کلتور په نوم د يو واټ نومول، د رياست د ودانۍ، جومات او پارک بيارغونه او نور ملحقات شامل دي.
د اطلاعاتو او فرهنګ سرپرست او د دغه رياست د اطلاعاتو امر شېرشاه همدرد د وږي په ۲۰مه په همدې موخه د جوړې شوې غونډې پر مهال پژواک اژانس ته وويل چې له ياد کار يې موخه خلکو ته د فرهنګ اصلي معنا ښودل دي.
دی وايي، ډېرى چارې يې د ملګرو او ولسونو په همکاره ترسره کړې دي.
همدرد زياته کړه: ((له دې کار نه زما موخه دا ده، چې خلکو ته کلتور په سمه توګه معرفي کړم او خلک دلته په راتګ کلتور بايد وپېژني.))
د يادې پرانيستې پر مهال د ننګرهار مرستيال والي محمدحنيف ګرديوال د اطلاعاتو او فرهنګ رياست د کارکوونکو هڅې وستايلې او له ټولو رياستونو يې د ورته ګام غوښتنه وکړه.
ګرديوال وويل: ((نه يوازې دا چې خلک به په دغه لار د تګ پرمهال د کلتور د واټ او د ریاست پر ديوال د مشاهيرو د انځورونو ننداره کوي، بلکې دا به هم زده کوي، چې اطلاعاتو او فرهنګ څه معنی او کلتور څه معنی.))
د کابل پوهنتون استاد پوهندوی محمداسماعيل یون هم خبرې وکړې او دغه کار یې د يو سالم مديريت د شتوالي زيری ياد کړ.
يون ټينګار وکړ چې ننګرهار د ادب او فرهنګ کور دی او بايد دې ته ورته نور بېلابېل فرهنګي نوښتونه په کې ترسره شي.
د يادونې ده، تر دې وړاندې هم د ياد رياست له خوا د فرهنګ غوړونې په برخه کې هلې ځلې شوې دي؛ خو دا ډول ګام يې لومړنی دی او تر ډيری ورته د یو نوښت په سترګه کتل کيږي.
غړيYou need to subscribe to view the full article. Please login or register a new account.
