پل علم (پژواک، ٢٠ وږى ٩٥): د لوګر چارواکي ادعا کوي چې د امنيتي ځواکونو په عملياتو کې ١٣ طالبان وژل شوي او پنځه نور ټپيان دي.
د لوګر د والي وياند سليم صالح د وږي په ٢٠مه پژواک خبري اژانس ته وويل چې تېره شپه افغان هوايي او ځمکني ځواکونو د مرکز اړوند د دوشنبې او بابوس په کليو کې د وسله والو طالبانو پر وړاندې عمليات کړي دي.
هغه وايي چې په دغو عملياتو کې ١٣ طالبان وژل شوي او پنځه نور ټپيان دي چې د وژل شوو طالبانو جسدونه په سيمه کې پاتې وو.
د صالح د معلوماتو له مخې، د يادو عملياتو پر مهال دوه سراچه موټر، درې موټرسايکل، دوه کلاشينکوف، يو راکټ او يو ميل پيکا هم د امنيتي ځواکونو لاس ته ورغلي دي.
ده وويل چې د عملياتو پر مهال امنيتي ځواکونو او ملکي خلکو ته مرګ ژوبله نه ده اوښتې.
د دوشنبې د کلي اوسېدونکي احمدزبير هم وويل چې تېره شپه د دوى په کلي کې نښته شوې ده.
هغه وويل: ((تېر ماښام دلته امريکايي طيارې راغلې، پر طالبانو يې بمبار وکړ او څو کسان يې ورته و وژل.))
د هغه په وينا، دغه طالبان له يو کلي څخه بل ته روان وو چې تر بريد لاندې راغلل او و وژل شول.
وسله والو طالبانو تر اوسه په دې اړه څه نه دي ويلي.
خو د دې ډلې وياند ذبيح الله مجاهد په خپله ټويټر پاڼه کې ليکلي چې تېره ورځ ناوخته د لوګر مرکز پل علم په قلعه موسى سيمه کې د امنيتي ځواکونو او طالبانو تر منځ نښته رامنځته شوې ده.
هغه زياتوي چې په دې نښته کې ګڼو امنيتي سرتېرو ته مرګ ژوبله اوښتې ده.
غړيYou need to subscribe to view the full article. Please login or register a new account.
