ښرنه (پژواک، ٢٩ ليندۍ ٩٥): د پکتيکا په مرکز کې د کرنې انسټيټيوت ودانۍ په داسې حال کې ګټې اخيستنې ته وسپارل شوه چې په دغه ولايت کې ٦٠ سلنه ښوونيز بنسټونه ودانۍ نه لري.
د پکتيکا د پوهنې رييس محمد نسيم واجد د ليندۍ په ٢٩مه د ياد انسټيټوټ د پرانيستو په غونډه کې وويل چې دغه ودانۍ د يو کال په موده کې د ١٤ ميليونه افغانيو په لګښت په دوو پوړونو کې جوړه شوې ده.
هغه وويل چې تر دې وړاندې يې د کرنې انسټيټيوټ لپاره ځانګړې ودانۍ نه لرله او له دې وروسته به يې په دې برخه کې ستونزې هوارې شي.
په دې غونډه کې د پکتيکا والي الياس وحدت هم د يادې ودانۍ پر جوړېدو خوښي وښوده او ويې ويل چې په دغه ولايت کې ٦٠ سلنه ښوونيز بنسټونه ودانۍ نه لري.
هغه زیاته کړه: ((موږ کوښښ کوو چې په وار وار دې ټولو ښوونيزو مرکزونو ته ودانۍ جوړې کړو.))
د دغه انسټيټيوټ يو محصل جمعه رات پژواک ته وويل چې دوی پخوا د حسابدارۍ په انسټيټيوټ کې زده کړې کولې او خپله ودانۍ يې نه لرله.
ده وويل: ((دا ډېر ښه کار وشو، دلته موږ ته مناسب درسي چاپېريال برابر دى.))
د يادونې ده، په ټوله پکتيکا کې ٣٤٧ ښوونيز مرکزونه دي چې له دغه شمېر څخه ٦٠ سلنه يې ودانۍ نه لري.
غړيYou need to subscribe to view the full article. Please login or register a new account.










