جلال اباد (پژواک ۱۹ مرغومى ٩٥): د جلال اباد ښاروالۍ له لوري په دغه ولايت کې د ښاري فرهنګ رواجولو او د ښار پاکوالي ته د خلکو پام اړولو په خاطر د حسن قرائت سيالي ترسره شوه.
په ياده سيالۍ کې د جلال اباد ښار د ۸ ناحيو له ۲۰ دارالحفاظونو څخه ۲۰ تنو د قرانکريم حافظانو ګډون کړی وو.
د جلال اباد ښاروال حميد الله افغان وويل، له سيالۍ يې موخه د ښاري فرهنګ رواجول او د ښار پاکوالي ته د خلکو پام اړول دي، چې په دغه برخه کې له ديني عالمانو نه هم مرسته وغواړي.
دی وايي، ديني عالمان کولی شي د ممبرونو له لارې خلک دغې برخې کې همکارۍ ته وهڅوي او هم ورته د اسلام له نظره د پاکوالي ګټې بيان کړي.
د ننګرهار والي محمد ګلاب منګل د يادې سيالۍ په پای کې د خبرو پرمهال پر ديني عالمانو غږ وکړ، چې خلک دې د ممبرونو له لارې د سولې راتګ، امنيت د ټينګښت او ورورګلوۍ ته وهڅوي.
د ننګرهار د حج او اوقافو رييس مولوي عبدالظاهر حقاني د جلال اباد ښاروالۍ له دغه کار څخه ستاينه وکړه او پر ولايتي ادارې يې غږ وکړ، چې د ديني مدرسو د تقويت او د ديني علومو د زده کړې مينه والو ته دې، ځانګړې پاملرنه وکړي.
په دغه سيالۍ کې د قرانکريم درې حافظانو چې درې واړه طلحه نومېدل، لومړی، دويم او درېيم مقام ترلاسه کړ او د جلال اباد ښاروالۍ له لوري ورته نغدي ډالۍ ورکړل شوې.
غړيYou need to subscribe to view the full article. Please login or register a new account.
