کابل (پژواک، ٢٥ کب ٩٥): ولسمشر محمد اشرف غني د ښوونځيو د ښځينه زده کوونکو لپاره د طرحه شوې جامې چې ځانګړتياوې يې د پوهنې وزارت له لوري خپرې شوې، د خلکو له کلتور او دودونو سره برابرې نه دي بللې او اړوند وزارت ته يې لارښوونه کړې چې له ښوونکو، زده کوونکو او د هغوى له مور او پلار سره د مشورې له مخې پر يوه بله طرحه کار وکړي.
د پوهنې وزارت په تازه ډول د دولتي ښوونځيو د نجونو زده کوونکو لپاره د رسمي يونيفورم ځانګړتياوې خپرې کړې چې د طرحې پر بنسټ، د ښوونځي د لومړۍ دورې زده کوونکو جامې اسماني، د منځنۍ او لېسې دورو فولادي رنګ لري او څادر ته يې سپين رنګ ټاکل شوى دى.
خو د دغو جامو ډيزاين چې د پوهنې وزارت له لوري خپور شوى، د فېسبوک کاروونکو له ګڼو غبرګونونو سره مخ شوى چې په ترڅ کې يې ولسمشر غني هم د نجونو زده کوونکو د جامو نوې طرحه رد کړه.
د ولسمشر مرستيال وياند شاه حسين مرتضوي په خپله فېسبوک پاڼه کې ليکلي چې ولسمشر غني د پوهنې وزارت له لوري د يونيفورم خپره شوې طرحه له کلتور او ولسي دودونو سره مناسبه نه ده بللې او ويلي يې دي چې هېڅ کومه طرحه د کورنيو د اقتصادي وضعيت په پام کې نيولو نه پرته نه شي عملي کېدلى.
ولسمشر د پوهنې وزارت ته لارښوونه کړې چې له ښوونکو، د زده کوونکو له میندو او پلرونو سره د مشورې له لارې پر يوه داسې نوې طرحه کار وکړي چې له ملي کلتور سره مناسبه او اقتصادي وي.
له بلې خوا د پوهنې وزارت وياند مجيب مهر داد وايي چې د پوهنې وزارت د متخصصينو د نظرونو پر بنسټ يوازې نجونو د يوينفورم د رنګ بحث مطرح کړ و.
هغه وايي، دا چې د نوي ښوونيز کال پيل ته کم وخت پاتې دى، زده کوونکي کولى شي چې له خپل پخواني يونيفورم سره ښوونځي ته ولاړ شي.
غړيYou need to subscribe to view the full article. Please login or register a new account.










