غزني ښار (پژواک، ٣١ ورى ٩٦): غزني ولايت د اسلامي هېوادونو د پلازمېنې د نومول کېدو د څلورم کال جشن ونمانځل شو.
غزني په ٢٠١٣ زېږديز کال کې د اسيسکو سازمان له خوا د اسلامي هېوادونو د پلازمېنې په توګه ټاکل شوى و.
له هغه وروسته هر کال دغه ورځ د وري مياشتې په ۲۸مه نمانځل کېږي چې په کې د هېواد لوړپوړي چارواکي او ځايي اوسېدونکي برخه اخلي.
خو سږ کال د نورو کلونو پر خلاف دغو مراسمو ته يوازې د اطلاعاتو کلتور سرپرست وزير ښار جوړوني، او ماليې وزارتونو مرستيالان راغلي وو.
تمه وه چې د اجرائيه رياست د لومړي مرستيال په ګډون يو شمېر وزيران، د ولسي جرګې او مشرانو جرګې غړي راشي، خو هغوى رانه غلل.
د غزني والي عبدالکريم متين يادې غونډې ته وويل چې په دغه ولايت کې د دې په وياړ څه کارونه شوي، خو له مرکزي حکومته يې وغوښتل چې دغه ولايت ته خپله پاملرنه زياته کړي، څو د نورو هېوادونو سيلانيان دغه ولايت ته سفر وکړي.
هغه زياته کړه، په دغه ولايت کې زيات شمېر تاريخي ابدې او سيمې شته چې پوره پاملرنې ته اړتيا لري.
د غزني د ولايتي شورا غړي حميدالله نوروز پر مرکزي دولت نيوکه وکړه چې په ۲۰۱۳ کال مراسمو کې يې غزني لومړى درجه ولايت اعلان کړ، خو تر اوسه يې هم ورته د دويمې او درېيمې درجې ولايت په سترګو کتل کېږي.
د نوموړي په وينا، تر اوسه د ښار جوړنې وزارت له لوري د غزني ښار ماسټر پلان او ښاري سيستم نه دى جوړ شوى.
نوموړي له اطلاعاتو او فرهنګ وزارت څخه وغوښتل چې د دغه ولايت تاريخي ابدو ته جدي پاملرنه او بيارغونې لپاره يې اقدامات وکړي.
د اطلاعاتو او کلتور وزارت سرپرست وزير رسول باوري وويل چې په دغه ولايت کې ۳۲ تاريخي ابدې رغول شوې دي او د دې تر څنګ يې نور کارونه هم کړي دي.
هغه زياته کړه، غزني کې نور ډېر کار ته اړتيا ده، څو نړيوال يې سيل ته راشي.
غړيYou need to subscribe to view the full article. Please login or register a new account.
