منځپانګې ته تلل
چهارشنبه ۱۸ نومبر ۲۰۲۶ · کابل ۲:۲۵ غ.و
۱۴°صاف · ↑۱۴° ↓۱°د هوا کیفیت: منځنی
غړي

د کابل ښار د درېيمې ښوونيزې حوزې٥٠ زده کوونکي مسموم شول

· ۱ دقیقه لوستل · ۹۰ کتنې

کابل(پژواک، ٢٤غويى ٩٦): د پوهنې وزارت د کابل ښار درېيمه ښوونيزه حوزه کې د ٥٠  زده کوونکو د مسموميت خبر ورکړ.

د پوهنې وزارت د خپرونو رييس محمد کبير حقمل وويل چې ياد شوي زده کوونکي له پوهنې سره د مرستې يوه پروګرام کې نن سهار ٩:٣٠ مسموم شول چې د درملنې لپاره استقلال روغتون ته ولېږدول شول.

 نوموړي زياته کړه چې د يادو زده کوونکو له ډلې ٢٥  تنه په روغتون کې تر درملنه لاندې دي او پاتې نور له روغتيايي خدمتونو وروسته رخصت شوي.

د پوهنې وزارت د يادې شوې سرچينې په خبره، په ښوونځي کې د پاتې زده کوونکو روغتيايي حالت د ډاډ وړ دى.

حقمل زياته کړه چې د وزارت لومړني معلومات څرګندوي چې دغه زده کوونکي د ښوونځي شاوخوا ونو کې د درمل پاشلو په سبب مسموم شوي دي.

خو د استقلال روغتون د نرسنګ مدير داد محمد پژواک ته وويل چې د درېيمې ښوونيزې حوزې په کلا وزير ښوونځي کې ٣٨ زده کوونکي مسموم شوي وو چې روغتون ته ور لېږدول شوي دي.

هغه وويل:((يادې شوې نجونې ګنګس شوې وې او له لومړنيو خدمتونو وروسته يې اکثره له روغتون رخصت شوې دي.))

نوموړي د مسموميت لامل څرګند نه کړ، خو وايي چې په دې برخه کې د روغتيايي ډلې څېړنې دوام لري. 

غړي

You need to subscribe to view the full article. Please login or register a new account.

اړوند خبرونه

ټول ښوونه او روزنه