منځپانګې ته تلل
شنبه ۲۱ نومبر ۲۰۲۶ · کابل ۸:۳۰ غ.م
۶°ورېځ · ↑۱۴° ↓۳°د هوا کیفیت: منځنی
غړي

په اروزګان کې اته شنې خونې ګټې اخيستنې ته وسپارل شوې

· ۲ دقیقې لوستل · ۷۵ کتنې

ترينکوټ (پژواک، ٢٠ غبرګولى ٩٦) : په اروزګان ولايت کې نوې جوړ شوې اته شنې خونې ګټې اخيستنې ته وسپارل شوې.

د اروزګان والي محمدنذير خروټي د غبرګولي په ٢٠مه، د يادو اتو شنو خونو د ګټې اخيستنې پرمهال پژواک خبري اژانس ته وويل، دا د ترينکوټ ښار په بېلا بېلو سيمو کې جوړې شوې دي.

هغه زياته کړه، ددې شنو خونو جوړولو پر پروژې ٢٩ ميليونه افغانۍ لګښت راغلى چې د نړيوال بانک لخوا ورکړل شوى دى.

خروټي وويل، اروزګان کرنيز ولايت دى او خلک يې تر ډېره پر کرنيزو محصولاتو بوخت دي؛ نو د دا ډول پروژو په پلي کېدو سره به له يوې خوا د کروندګرو ژوند ښه شي او له بلې خوا به د ښار مارکېټونو ته خپل کورني محصولات وړاندې کېږي.

د اروزګان د کرنې او مالدارۍ رييس انجنير زلمي الکو پژواک ته وويل، دغه اته لويې شنې خونې په (۲۸۵۰ ) متره مربع ځمکه کې جوړې شوې دي.

 د هغه په وينا، له هرې شنې خونې څخه به ۶۸ ټنه بادرنګ ۵۶ ټنه روميان ۴۰ ټنه کاهو او ۳۶ ټنه توربانجان  هرکال توليد ولري.

دى وايي، په دې ولايت کې ۲۸ نورې شنې خونې هم ترکارلاندې دي چې ډېر ژربه يې کارونه بشپړ او ګټې اخيستنې ته وسپارل شي.
الکو وايي، اوسمهال په دې ولايت کې ٣٨ کوچنۍ شنې خونې فعاله دي او حاصلات يې مارکېټ ته وړاندې کېږي.

د اروزګان کروندګر هم په دغه ولايت کې د شنوخونو جوړېدو ته خوښ دي.

د حاجي حبيب الله په نامه يو تن ګروندګر پژواک ته وويل، په دې شنو خونو کې په هر موسم کې سبزيجات کرل کېږي چې له امله يې د دوى اقتصاد ورسره ښه شوى دى. 

غړي

You need to subscribe to view the full article. Please login or register a new account.

اړوند خبرونه

ټول کرنه