کابل (پژواک،٢٢زمرى٩٦): نن شپه شاوخوا ٧:٤٥ بجې د کابل ښار په مرکز ده افغانانو سيمه کې چاودنه وشوه.
د کابل د امنيې قوماندانۍ وياند بصير مجاهد پژواک خبري اژانس ته وويل چې دغه پېښه د کرولا شخصي موټر د چاودنې له امله رامنځ ته شوې او په ترڅ کې يې ٣ ولسي کسان برسيرن ټپيان شوي دي.
د هغه په وينا، ياد شوى موټر سوځېدلى، خو تر اوسه څرګنده نه ده چې چاودنه د مقناطسي ماين په وسيله رامنځ ته شوې او که په موټر کې د ګاز ډبې له امله.
ده زياته کړه، ځانګړي پوليس ځواکونه سيمې ته رسېدلي او په دې اړه پلټنې روانې دي.
د ده افغانانو يوه اوسېدونکي پژواک ته وويل چې د يادې شوې پېښې له امله د شاوخوا ځينو ودانيو ښيښې ماتې شوې دي.
غړيYou need to subscribe to view the full article. Please login or register a new account.
