ترينکوټ (پژواک ، ١٤تله ٩٦) : د اروزګان ولایت د ښوونکو د روزنې له موسسې څخه په لومړي ځل ۱۶ نجونې فارغه او د فراغت اسناد یې ترلاسه کړل .
له تېرو ۱۶ کلونو راهیسې دالومړی ځل دى چې د اروزګان ولایت د ښوونکو د روزنې له موسسې ښځينه فارغيږي او د مسلکي ښوونکو په توګه یې ټولنې ته وړاندې کوي.
ددغه ولایت د ښوونکو د روزنې د ریاست مشر شاولي روښان پژواک اژانس ته وويل ، دغې موسسي ته دوه کاله مخکې ۲۳ نجونې د ښوونکو د روزنې په برخه کې د زده کړو لپاره داخلې شوې، چې تر دوه کلنو زده کړو وروسته نن د ۲۳ نجونو له ډلې ۱۶ تنه فارغې او ټولنې ته یې وړاندې کوي.
روښان وایي ، پاتې نجونو د نا امنۍ او بېلابېلو نورو ستونزو له امله زده کړې نیمایي کې پرېښودې .
د اروزګان د ښوونکو د روزنې د ادارې مشر وایي ، داچې په دغه ولایت کې د مسلکي ښځینه ښوونکو د نشتون له امله د نجونو د زده کړې بهیر ټکنى وو ، خو وایي چې تازه فارغه شوې نجونې به وکولى شي چې د مسلکي ښوونکو په توګه په ښوونځیو کې دندې ترسره کړي.
له بلي خوا فارغ شوې نجونې هم خوشحاله دي چې نیمه لوړې زده کړې يې وکړې او د مسلکي ښوونکو په توګه به دندې ترسره کړي
د زرغونې په نامه يوې فارغې شوې نجلۍ پژواک ته وويل ، له ډېرو ستونزو سره سره یې وکولی شو چې دوه کلنې زده کړې پاى ته ورسوي او د فراغت اسناد ترلاسه کړي.
نوموړې وایي، تر دې وروسته به د ښوونکې په توګه دنده ترسره کوي.
غړيYou need to subscribe to view the full article. Please login or register a new account.










