خوست ښار (پژواک، ١٤ ليندۍ ۹۶): د خوست ولايتي شورا خپل دفتر د دغه ولايت د امنيه قوماندان د دندې ځنډولو په غبرګون کې د اعتراض په ډول وتاړه.
د خوست ولايتي شورا غړي وايي چې پر امنيه قوماندان مل پاسوال فيض الله غيرت د اداري فساد تورونه لګېدلي او دنده يې ځنډول شوې ده.
د ولايتي شورا رييس کفيل ريحان د ليندۍ په ١٥مه يوه خبري کنفرانس ته په خبرو کې پر قوماندان لګېدلي تورونه بې بنسټه وبلل او له مرکزي دولته يې په دې برخه کې د عدالت غوښتنه وکړه.
په ورته وخت کې د شورا بل غړي عبدالولي واحدزي ياد خبري کنفرانس ته په خبرو کې وويل، تر هغه چې د قوماندان غيرت د قضيې څېړلو لپاره يو ګډ پلاوی ونه ټاکل شي، د خوست د ولايتي شورا دفتر به تړلی وي.
ده پر هغه پلاوي چې د امنيتي ارګانونو د ارزونې لپاره خوست ته راغلی و، تور ولګاوه چې د فيض الله غيرت په برخه کې يې له ځان سره لېږدولی راپور حقيقت نه لري.
نوموړي زياته کړه: ((که چېرې مرکزي دولت زموږ غوښتنه ونه مني او خوست په درېيو ورځو کې پلاوی را ونه لېږي، موږ به نورو اعتراضونو ته مخ کړو.))
څو ورځې وړاندې هم د ولايتي شورا يو شمېر غړو په يوه غونډه کې پر مرکزي دولت غږ کړی و چې د خوست امنيه قوماندان دې نه تبديلوي، خو ځيني نور خلک بيا پر هغه د ناغېړۍ تور لګوي.
د دغه ولايت يو اوسېدونکي عبدالرحمن سادات پژواک اژانس ته وويل چې د امنيه قوماندان د ناغېړۍ له کبله په ښار او لرو پرتو سيمو کې د جنايي جرمونو مخه نه نيول کېږي.
هغه زياته کړه: ((کله چې يو څوک د بل چا د قتل اراده وکړي، نو بيا خوست ښار ته راځي؛ ځکه دلته په ډاډه زړه خپل کار سرته رسولی شي. امنيت نه په ښار او نه په لرو پرتو سيمو کې خوندي دی.))
تر اوسه د خوست ولايتي چارواکو پر قوماندان فيض الله غيرت د لګېدلو تورونو او يا د هغه د دندې د ځنډېدلو په اړه له رسنيو سره کوم څه نه دي شريک کړي.
غړيYou need to subscribe to view the full article. Please login or register a new account.
