منځپانګې ته تلل
جمعه ۲۰ نومبر ۲۰۲۶ · کابل ۸:۱۳ غ.و
۸°نیمه ورېځ · ↑۱۵° ↓۳°د هوا کیفیت: منځنی
غړي

په نيمروز کې د اوبو دوې ويالې ګټې اخيستنې ته وسپارل شوې

· ۲ دقیقې لوستل · ۱۱۷ کتنې

زرنج (پژواک،۲۱ليندۍ۹۶): د نيمروز ولايت په کنګ ولسوالۍ کې د کابو ۱۸ميليون افغانيو په لګښت د اوبو دوې ويالې ګټې اخيستنې ته سپارل شوې دي.

د نيمروز د کرنې، اوبو لګولو او مالدارۍ ادارې رييس محمد اکبر شريفي پژواک خبري اژانس ته وويل چې کنګ ولسوالۍ د سيادک وياله د کرنې او مالدارۍ وزارت له بوديجې څخه  په څه باندې ۱۲ميليون افغانيو لګښت سره چې ۱۷۴۴متره اوږدوالى او د ۱،۸۰متره سور لري، د ۴مياشتو په اوږدو کې په پاخه او اساسي ډول جوړه او نن ګټې اخيستنې ته وسپارل شوه.

هغه دغه راز وويل چې د يادې شوې ولسوالۍ د حاجي ګلزار وياله هم د کرنې وزارت له بوديجې د ۵ميليون او ۸۰۰زره افغانيو په لګښت سره په پاخه او اساسي ډول د ۷۴۰متره اوږدوالي او ۱،۸متره سور په درلودلو سره د ۵مياشتو په اوږدو کې بشپړه شوې ده.

نوموړي زياته کړه چې دغه دوې ويالې به کابو ۹زره جريبه ځمکه خړوبوي او له امله به يې له ۱۵۰۰ډېرو کسانو ته د کار زمينه برابره شي.

د نيمروز والي انجنير محمد سميع وايي، د اوبو کابو کول، د اوبو رسونې د تاسيساتو ساتنه او د اړتيا وړ ويالو او تاسيساتو جوړول او رغول د اوبو رسونې په برخه کې د سيمه ييز حکومت له مهمو پروګرامونو څخه دي.

د ده په وينا، شک نشته چې د دغه ولايت خلک به له ويالو او د اوبو رسونې له تاسيساتو څخه د سمې ګټې اخيستنې ترڅنګ له هغو څخه ساتنه هم وکړي.

د کنګ و لسوالۍ اوسېدونکی باران وايي چې په ياده شوې ولسوالۍ کې د اوبو د نه شتون له امله کرنه نه کېږي او هيله ده چې د دغو ويالو په جوړېدو سره به خلک بېرته خپلې کرنې ته مخه کړي.

هغه زياته کړه چې نوموړې ولسوالۍ د خلکو اقتصاد پر لږې کرکيلې او کرنې سره ولاړ  و او د دغې ولسوالۍ د کرنيزو محصولاتو په بېرته پيلېدو سره به نيمروز په دې برخه کې  پر ځان بسيا کړي.

غړي

You need to subscribe to view the full article. Please login or register a new account.

اړوند خبرونه

ټول کرنه