کابل (پژواک، ١٥ ورى ٩٧) : په امريکا کې د افغانستان سفير وايي چې پر کرنه له پانګونې سره د هېواد د اقتصاد پياوړي کېدو تر څنګ خلکو ته د دندو په پيدا کېدو کې هم مرسته کوي.
ډاکټر محب وايي، د کرنې په برخه کې پانګونه د افغانستان پر هغه ظرفيت پانګونه ده چې کولای شي په ټوليز ډول د اقتصاد پر ودې سربېره، د دندو رامنځته کېدو لامل شي او د بېوزلۍ له کموالي سره هم مرسته وکړي.
په امريکا کې د افغانستان سفير ډاکتر حمدالله محب دا څرګندونې پرون په واشنګټن کې د کرنې په اړه د نړيوال بانک د يوه تازه راپور د خپرولو په غونډه کې کړې دي.
د نړیوال بانک په دغه راپور کې چې "په افغانستان کې له کرنې څخه دندې" په نامه خپور شوی دی (Jobs from agriculture) ، کرنه په کې د افغانستان د پرمختګ او امنیت مهمه برخه ګڼل شوې ده.
په راپور کې پر څو مهمو مواردو لکه د کرنې په سکټور کې د مېرمنو د ونډې پر ډېرېدو، مارکېټونو ته د لرو پرتو سيمو د کروندګرو د محصولاتو پر لېږد، کروندګرو ته د وړو پورونو د زمينې پر برابرولو او په افغانستان کې د کرنې له سکټوره پر ملاتړ ټينګار شوی دی.
د افغانستان سفير ډاکتر حمدالله محب د ياد راپور د هرکلي تر څنګ وويل، د هېواد په لرو پرتو سيمو کې شاوخوا اويا سلنه افغانان چې ډېری يې ځوانان او مېرمنې دي، پر کرنه بوخت دي.
هغه زياته کړه، د کرنې سکتور ته پاملرنه د افغان حکومت په لومړيتوبونو کې ده.
ډاکټر محب وايي، د کرنې په برخه کې پانګونه د افغانستان پر هغه ظرفيت پانګونه ده چې کولای شي په ټوليز ډول د اقتصاد پر ودې سربېره، د دندو رامنځته کېدو لامل شي او د بېوزلۍ له کموالي سره هم مرسته وکړي.
د نوموړي په وينا، افغان حکومت هڅه کوي کروندګر د مالوچو او زعفرانو په څېر د هغو محصولاتو کرلو ته وهڅوي چې ښه عايد لري.
سفير زياته کړې، د افغانستان حکومت مارکېټونو ته د کرنيزو محصولاتو لېږد، د محصولاتو د ساتلو لپاره د سړو خونو جوړېدو او د اوبو رسونې او ترانسپورټي اسانتياوو رامنځته کېدو ته ژمن دی.
حمد الله محب دغه راز وويل چې افغان حکومت په سيمه ييزه کچه په ځمکنيو لارو سربېره له هندوستان او منځنۍ اسيا سره هم هوايي دهلېزونه پرانيستي دي چې له دې لارو يو شمېر هېوادونو ته د افغان کروندګرو د محصولاتو لېږد پيل شوى دى.
غړيYou need to subscribe to view the full article. Please login or register a new account.










