منځپانګې ته تلل
شنبه ۲۱ نومبر ۲۰۲۶ · کابل ۷:۵۵ غ.م
۴°ورېځ · ↑۱۴° ↓۳°د هوا کیفیت: منځنی
غړي

درانى: د حيواني خوړو د پيرلو لپاره ځانګړې بوديجې ته اړتيا ده

· ۲ دقیقې لوستل · ۶۳ کتنې

کابل(پژاوک،٣١ورى٩٧): د کرنې او مالدارۍ وزير وايي چې له مرګ څخه د څاريو د ژغورلو د مخنيوي په موخه يې دوه مياشتنۍ طرحه جوړه کړې، خو د حيواني خوړو د پيرلو لپاره ځانګړې بوديجې ته اړتيا لري.

د وچکالۍ له امله د مالدارانو او کوچیانو پر ستونزو د بحث په خاطر تير ماښام د ولسمشر محمد اشرف غني په مشرۍ په ارګ کې غونډه جوړه شوې وه.

په پیل کې د کوچیانو د ادارې لوی رييس دلاور فیضان د وچکالۍ د منفي تاثیراتو او د مالدارۍ پر وضعیت او کوچیانو ته د هغې د زیانونو په اړه غونډې ته معلومات ورکړل او په دې برخه کې یې د حکومت جدي اقدامات وغوښتل.

ورپسې د کرنې،اوبو لګولو او مالدارۍ وزیر نصیراحمددراني هم  د زیانمنو سیمو او  ولایتونو د تشخیص د راپور، د حیواني خوړو د تولیدي ظرفیت، د ویش پلان او په دې برخه کې د شویو اقداماتو په اړه غونډې ته معلومات ورکړ.

هغه د مالیې وزارت له لورې د بودجې د تخصیص، د حیواني خوړو د تدارکاتو په پروسه کې د لازمو اسانتیاوو او د اړتیا پر مهال د ترکمنستان، تاجکستان او ترکیې هېوادونو څخه د حیواني خوړو د پېرلو په اړه وړاندیزونه مطرح کړل.

د کرنې او مالدارۍ وزیر په دې اړه د یو پلاوي د ګمارلو وړاندیز وکړ او وېې ویل، د وېش بهیر دې د سیمه‎ییزه ارګانونو د خپلواکې ادارې په همکارۍ ترسره شي.

 هغه وویل چې د څارویو د مړینې مخنیوي ته د بیړنۍ رسيده‎ګۍ په خاطر دوه میاشتنی اضطراري  پلان ترتیب شوی، خو که پلان ځواب ویونکی نه وي، د ۹ نورو میاشتو لپاره هم تمدیدای شي.

د غه راز د غونډې په پاى کې ولسمشر غني وویل چې له وضعیت څخه باید وړاندوینه موجوده وي چې کومې ستونزې د کومو داخلي امکاناتو په مټ حلېږي او موجوده حیواني خواړه باید مالدارانو ته ورکول شي او د اړتیا په صورت کې دې له یادو درېوو هېوادونو څخه وپېرل شي.

ولسمشرڅرګنده کړه چې کوچیانو سره دې د حيواني خوړو په لېږد کې مرسته وشي او له ډونرانو سره دې د منابعو په اړه خبرې وشي.

 هغه ټینګار وکړ چې د عمومي وضعیت لپاره بايد واضح تحلیل شتون ولري.

ولسمشر د وښو د عادلانه وېش لپاره د ولسي تړون پروګرام د سیمه‎ییزو شوراګانو او د ملي اردو په همکارۍ د بیړني حالت اړوند د ولایتي کمېټو پر څارنې هم ټینګار وکړ.

 

 

غړي

You need to subscribe to view the full article. Please login or register a new account.

اړوند خبرونه

ټول کرنه