ښرنه (پژواک، ٢٢ غويى ٩٧): د پکتيکا امنيتي چارواکي وايي چې د دغه ولایت په اومنې ولسوالۍ کې د وسله والو طالبانو پر يو مرکز بريد شوى چې په ترڅ کې یې ٣٠ طالبان وژل شوي او ٢٨ نور تپيان دي.
دغه څرګندونې د پکتيکا د امنيې قوماندانۍ امنيتي مرستيال سمونوال عبدالرووف مسعود د غويي په ٢٢مه د يوې خبري غونډې په ترڅ کې وکړې.
هغه وويل چې تېره شپه هوايي ځواکونو د اومنې ولسوالۍ په وبښتۍ سيمه کې د طالبانو پر يو مرکز بريد کړى دى.
ده زياته کړه چې په دغه بريد کې ٣٠ وسله وال طالبان وژل شوي او ٢٨ نور ټپيان دي.
د مسعود د معلوماتو له مخې، په دغه بريد کې د طالبانو يو مازدا او يو رينجر موټر په ګډون د وسلو يوه زېرمه هم له منځه وړل شوې ده.
په دې اړه د اومنې ولسوالۍ يوه اوسېدونکي حميدالله پژواک ته وويل: ((د طالبانو پر مرکز بريد شوى، خو هلته څوک نږدې نه پرېږدي نو د مرګ ژوبلې په اړه يې معلومات نه لرم.))
دغه راز د پکتيکا ولايتي شورا غړي عبدالجليل هم ياده پېښه تاييد کړه او ويې چې په دغه بريد کې د طالبانو مهم قوماندانان هم وژل شوي دي.
بل لور ته وسله والو طالبانو تر اوسه په دې اړه څه نه دي ويلي.
د يادونې ده، اومنه د پکتيکا د نا امنو ولسواليو له ډلې ده چې له تېرو څو کلونو راهيسې يې لويه لار له مرکز ښرنې سره تړل شوې ده.
غړيYou need to subscribe to view the full article. Please login or register a new account.
