ښرنه (پژواک ۲۷ غويی ۹۷): د پکتيکا په جاني خېلو ولسوالۍ کې تېره شپه وسله والو طالبانو د پولېسو په پوستې بريد کړی چې درې پولېس په کې وژل شوي او درې نور ټپيان دي.
د وژل شويو پوليسو يو تن سيمه وال منظم، پژواک خبري اژانس ته وويل چې تېره شپه وسله والو طالبانو د جاني خېلو ولسوالۍ د هستي په پوستې بريد وکړ چې په پايله کې يې درې پوليس چې دوه يې د دوی کليوال دي وژل شوي او درې نور ژوبل دي.
قومي مشر ملک سردار خان هم پېښه تاييدوي او زياتوي چې د وړممۍ ولسوالۍ دوه پوليس تېره شپه د جاني خېلو ولسوالۍ د هستي په پوسته کې وژل شوي دي، خو اوس يې د لېږد لپاره په پلان کار کوي.
د يادونی وړ دی چې امنيتي مسوولينو يواځې د پېښې پخلی کړی او وايي چې په دې اړه نور معلومات له رسنيو سره نه شريکوي.
هڅه مو وکړه چې د قوماندانۍ د وياند او يا هم د امنيت د آمر نظر واخلو، خو په اړه يې خبرې نه کوي.
وسله والو طالبانو تراوسه په دې اړه څه نه دي ويلي.
غړيYou need to subscribe to view the full article. Please login or register a new account.
