په کاپیسا کې د ١١ پروژو چارې بشپړې شوې

محمود راقي (پژواک، ٢٥ وږى ٩٧) : د کاپيسا د کليو بيارغونې او پراختيا رياست وايي چې په دغه ولايت کې د بيارغونې يوولس پروژې ګټې اخيستنې ته وسپارل شوې.

د کاپيساد کليو د بيارغونې او پراختيا رييس محمد يونس مموزي د وږي په ٢٥مه، پژواک خبري اژانس ته وويل چې د دغو ۱۱ پروژو چارې د کاپيسا د مرکز په ګډون په څو ولسوالیو کې بشپړې شوې دي.

هغه زياته کړه، په دغو پروژو کې  سړکونه، پلونه او د اوبو پروژې شاملې دي چې زرګونه کورنۍ به ترې ګټه واخلي.

د ده په وينا، يو سړک د کاپیسا له مرکز څخه کوهبند ولسوالۍ او د دویم کوهستان له مرکز سره نښلول شوى دى.

دى وايي، د البېروني پوهنتون لپاره هم د اوبو رسولو لویه پروژه ګټې اخیستنې ته وسپارل شوه چې د ۳۰ زره محصلینو  ستونزې  ور سره هوارېږي.

د کاپیسا د والي مرستیال عزیز الرحمن تواب وايي، دا هغه پروژې دې چې تېر کال یې کارونه نمیګړي پاتې وو، اوسمهال يې کارونه بشپړ شول او له دې وروسته به ترې استفاده کېږي.

هغه زياته کړه، پر دې پروژو څه دپاسه ٣٥ ميليونه افغانۍ لګښت راغلى چې دحکومت له بوديجې څخه ورکول شوى دى.

غړي

You need to subscribe to view the full article. Please login or register a new account.