د حیرتان بندر د مسوولينو ترمنځ نښته شوې

مزارشريف (پژواک، ۲۶ وږی ۹۷): د بلخ حيرتان بندر کې د ځايي مسوولينو ترمنځ د تېرې شپې د نښتې له امله يو کس وژل شوی او دوه نور ټپيان دي.

ياده نښته د وږی په ۲۵مه ماښام ۷ بجې رامنځته شوې وه چې يو نيم ساعت يې دوام درلود.

که څه هم د بلخ سيمه ييز مسوولين په دې تړاو له رسنيو سره له خبرو کولو ډډه کوي خو يوې باوري سرچينې د وږي په ٢٦مه پژواک خبري اژانس ته وويل چې دغه نښته د حيرتان بندر د سرحدي پوليسو د کمېسار او د ياد بندر د امنيت د رييس د ساتونکو ترمنځ شوې ده.

کمېسار حبيب الله ګذر په ولسي جرګه کې د پروان د خلکو د استازي امان الله ګذر زوی دی او د حيرتان بندر د امنيت رييس سعيد محمد نور د جمعيت ګوند د اجرائيوي رييس عطامحمد نور وراره دی.

تېره ورځ د مرکزي بانک رييس په يوه خبري کنفرانس کې ويلي وو چې د حيرتان بندر له لارې په ناقانونه ډول ډالر لومړی اماراتو او بيا له هغه ځايه خليج هېوادونو ته قاچاق کېږي چې له امله يې د ډالرو پر وړاندې د افغانۍ ارزښت راټيټېږي.

يادې سرچينې پژواک ته وويل چې د حيرتان بندر د کمېسار او د امنيت د رييس ترمنځ هغه مهال نښته رامنځته شوه، چې کله د کمېسار شخصي مرمۍ ضد موټر د امنيت د رياست له مخې د تېرېدو په حال کې وو.

تر اوسه د دې پېښې اصلي لامل نه دی رسنيز شوی.

د بلخ ولايت مقام، د بلخ امنيه قومانداني، د حيرتان بندر ښاري رياست او بلخ کې سرحدي پوليس په دې تړاو پژواک سره له خبرو کولو ډډه وکړه.

غړي

You need to subscribe to view the full article. Please login or register a new account.