کابل (پژواک، د لېندۍ لومړۍ نېټه ٩٧): سبا د هېواد په ټولو جوماتونو کې د ميلاد النبي د لمانځغونډې پر مراسمو د بريد له امله د پېښې قربانيانو ته د دعا لپاره د قران کريم ختمونه کېږي.
دغه مطلب په هغې خبرپاڼه کې راغلى چې له ارګه پژواک خبري اژانس ته رالېږل شوې ده.
خبرپاڼه کاږي، د ولسمشر محمد اشرف غني په مشرۍ د وسله وال پوځ اعلی سرقوماندانۍ غونډه نن په ارګ کې جوړه شوه.
سرچينې ویلي، په دې غونډه کې امنیتي مسوولینو د میلاد النبي د لمانځنې پر مراسمو د ترهګریزو برید د ټپیانو او د وژل شوو کسانو کورنیو ته د رسېدنې او د قربانيانو د هویت د تثبیت په اړه خپل راپور وړاندې کړ.
سرچينه زياتوي، غونډې لارښوونه وکړه چې د حج او اوقافو وزارت دې سبا د جمعې په ورځ د روان کال د لېندۍ په ۲مه د هېواد په ټولو جوماتونو کې د یادې پېښې د قربانيانو روحونو ته د دعا په خاطر د قران عظیم الشان ختمونه وکړي.
دوه ورځې مخکې د کابل ښار په اورانوس هوټل کې د ميلاد النبي په مراسمو کې د چاودنې له مله ٥٥ کسان ووژل شول او تر ٩٠ زيات ټپيان شول.
په خبرپاڼه کې دغه راز راغلي چې په دې غونډه کې امنیتي او دفاعي مسوولینو د غزني ولایت په ځانګړي ډول د جاغوري او مالستان ولسوالیو او همداراز د فراه، میدان ـ وردک او فاریاب ولایتونو د عمومي امنیتي وضعیت په اړه خپل راپور وړاندې کړ.
غونډې له هر اړخیزو بحثونو وروسته په یادو ولایتونو کې د ځواکونو د اکمالاتو او د امنیتي وضعیت د ښه والي په اړه لازمې لارښوونې وکړې.
غړي
You need to subscribe to view the full article. Please login or register a new account.
