په لغمان کې یو نوی څلور پوړيز مارکېټ پرانیستل شو

مهترلام (پژواک، ٢٨ مرغومى ٩٧): د لغمان د ښاروالۍ له خوا د ولايت په مرکز مهترلام ښار کې نوى جوړ شوى څلور پوړيز مارکېټ پرانيستل شو.

د لغمان د والي وياند اسدالله دولتزي د مرغومي په ٢٨مه پژواک خبري اژانس ته وويل چې د دغه مارکېټ د پرانيستې په مراسمو کې والي محمد اصف ننګ، د لغمان ښاروال نظيف الله الکوزي او نورو ځايي چارواکو برخه اخيستې وه.

د مهترلام ښاروال نظيف الله الکوزي پژواک ته وويل چې پر دغه مارکېټ څه باندې ١٢ ميليونه افغانۍ لګښت راغلى او په څلورو پوړونو کې جوړ شوى دى.

د نوموړي په وينا، په دغه مارکېټ کې ټول ١٨ دوکانونه دي او په څلورم پوړ کې څلور د اوسېدو خونې هم لري.

ښاروال وويل، په ياد مارکېټ کې وخت ته په کتو ټولې اسانتياوې په پام کې نیول شوې دي.

د لغمان والي محمد اصف ننګ د یاد مارکېټ پر جوړېدو خوښي وښوده او دغه کار يې د ښاروالۍ په عوایدو او د ښاریانو په اسانتياوو کې يوه لاسته راوړنه وبلله.

هغه ښاروال ته دنده وسپارله چې د ښار پاکوالي او پراختیا لپاره هم جدي کار وکړي، څو ټولو ښاریانو ته اړین ښاري خدمات ورسېږي.

غړي

You need to subscribe to view the full article. Please login or register a new account.