اسعداباد (پژواک، ٥ چنګاښ ٩٨): د کرنې او مالدارۍ وزارت وايي چې په کونړ کې د شل ميليونه افغانيو په لګښت د لبنيانو د پروسس فابريکه جوړېږي.
د کرنې او مالدارۍ وزارت مرستيال حشمت الله غفوري کونړ ته د سفر پر مهال ويلي چې په دغه ولایت کې کرنه او مالداري شته، خو د محصولاتو د پروسس لپاره يې زمينه نه وه برابره.
نوموړي د ولايت په مرکز اسعد اباد ښار کې د لبنياتو د يوې فابريکې د بنسټ ډبرې اېښودو پر مهال زياته کړه چې پر دې فابريکې ٢٠ ميليونه افغانۍ لګښت راځي او په شپږو مياشتو کې په جوړه شي.
د هغه په وينا چې په دې فابريکه کې به د ولایت د مرکز او شاوخوا سيمو شپږ زره لېتره شیدې په ٢٤ ساعتونو کې پروسس کېږي.
غفوري وايي چې افغانستان هر کال د شپېته ميليونه امريکايي ډالرو په ارزښت لبنيات واردوي، خو اوس حکومت د لبنياتو ملي طرحه جوړه کړې او ډېر ژر به په نورو ولايتونو کې هم دا ډول فابريکې فعالې شي.
نوموړى وايي چې په دې سره به د لبنياتو په وارداتو کې پنځوس سلنه کموالى راشي او کورنى اقتصاد به ورسره پياوړی شي.
د رحمت الله په نوم يوه مالدار پژواک ته وويل چې اوس مهال خپل محصولات ښار ته وړي، خو په ډېره کمه بيه ترې پېرل کېږي.
غړيYou need to subscribe to view the full article. Please login or register a new account.










