جلال اباد (پژواک، ٣٠ زمرى ٩٨): د ننګرهار د کرنې او مالدارۍ رياست د يوې موسسې په همکارۍ په جلال اباد ښار کې د کرنې اړوند ډيجيټلي کتابتون جوړوي.
د کرنې رياست وياند انعام الله مياخېل د زمري په ٣٠مه پژواک خبري اژانس ته وويل چې د ګرين (Grain) پروژې ساحوي مسوول نورعلي نور نن د ننګرهار کرنې، اوبو لګولو او مالدارۍ رييس انجنير سمیع الله نصرت سره وليدل.
نور وويل چې د کرنې په برخه کې به د څېړونکو لپاره د چارو د اسانتیا په موخه ډیجیټل کتابتون د جوړیدو چارې يې پیل کړي.
نوموړي زياته کړه چې د ګرین (Grain) پروژې موخه د غنمو د کيفيت لوړوالی دی چې په ترڅ که به یې څېړونکو ته د ښه کار زمینه برابره کړي ترڅو د غنمو د کیفیت او کمیت د ښه والي په موخه څیړنې ترسره کړي. ن
د هغه په وينا، اداره يې د څېړږنکو لپاره زمینه برابروي څو د دوی ترسره شوې څېړنې په نړیوالو ژورنالونو کې چاپ شي.
د ننګرهار د کرنې، اوبو لګولو او مالدارۍ ريس سمیع الله نصرت د ګرین پروژې په مثبتو چارو خوښي څرګنده کړه او ډاډ یې ورکړ چې د چارو د ښه والي او بهبود په موخه هر راز همکارۍ ته چمتو دی.
غړيYou need to subscribe to view the full article. Please login or register a new account.










