منځپانګې ته تلل
جمعه ۲۰ نومبر ۲۰۲۶ · کابل ۷:۱۷ غ.و
۹°نیمه ورېځ · ↑۱۵° ↓۳°د هوا کیفیت: منځنی
غړي

هلمند کې د کبانو روزنې پنځوس نوي فارمونه جوړېږي

· ۲ دقیقې لوستل · ۱۲۸ کتنې

لښکرګاه (پژواک، ١٢ وږى ٩٨): د هلمند د کرنې رياست له لوري په دغه ولايت کې د کبانو د پنځوسو نوو فارمونو جوړولو په موخه پر يو شمېر کب روزونکو سل زره کوچني کبان ووېشل شول.

د اړوندې موضوع په اړه د هلمند د کرنې رييس زلمي الکو د وږي په ١٢مه پژواک خبري اژانس ته وويل چې په دغه ولايت کې دا مهال د کبانو روزلو ٣٦٠ فارمونه فعاليت کوي.

ده وويل: ((د کبانو روزلو په هلمند کې ښه نتيجه ورکړې نو ځکه نن موږ د پنځوسو نوو فارمونو د جوړېدو په موخه پر کب روزونکو سل زره کوچني کبان ووېشل.))

د الکو په وينا، هڅې يې روانې کړې څو ډېر ژر هلمند د کبانو پر يوه صادراتي ولايت بدل کړي.

په ورته وخت کې د کبانو يوه روزونکي علي ګوهر پژواک ته وويل چې په دغه ولايت کې د کبانو روزنې ښه نتيجه ورکړې ده.

هغه زياتوي: ((هر کال موږ ډېر زيات ماهيان نورو ولايتونو ته صادروو او ګټه يې هم ښه ده.))

همدارنګه د کب روزونکو اتحاديې مشر احمد شاه خان پژواک ته وويل، کومو کسانو چې دا مهال د کبانو روزلو فارمونه جوړ کړي، پخوا يې د کوکنارو کرکېله کوله.

دى وايي: ((دې خلکو وليدله چې له کوکنارو څخه په کبانو کې ګټه ډېره ده، نو ډېرو د کوکنارو کر پرېښوده او د کبانو روزلو ته يې مخه کړه.))

سره له دې هم په هلمند کې د کبانو روزونکي وايي چې د کبانو د خرڅلاو لپاره يو ځانګړى ځاى نه لري او په دې برخه کې له ستونزو سره مخ دي چې بايد اړوند چارواکي يې ورته زمینه برابره کړي.

غړي

You need to subscribe to view the full article. Please login or register a new account.

اړوند خبرونه

ټول کرنه