“په پکتيکا کې د يوه ځانمرګي په ګډون ٦ وسله وال مخالفين نيول شوي”

ښرنه (پژواک، ٢٨ وږى ٩٨) : د پکتيکا ولايت امنيتي چارواک  وايي چې په مرکز ښرنه کې د يوه ځانمرګي په ګډون يې شپږ وسله وال مخالفين يې نيولي دي.

ددې ولايت د امنيې قوماندانۍ وياند شامحمود ارين د وږي په ٢٨مه، پژواک خبري اژانس ته وويل چې دا کسان د ښار د لومړۍ حوزې له مربوطاتو څخه نيول شوي دي.

هغه زياته کړه، دوى غوښتل چې د ټاکنو د پروسې ګډوډولو او خلکو وېرولو په موخه  ورانکاري کارونه ترسره کړي.

نوموړي وويل، دوى د کشفي ارګانونو له خوا له يوه چسپکي ماين سره يو ځاى نيول شوي دي.

د پکتيکا امنيه قوماندان سمونوال ايمل نيازی وايي چې د ټاکنو لپاره  امنيتي ځواکونه بشپړ چمتووالى لري او چاته به اجازه ورنه کړي چي امنيت ګډوډ کړي.

وسله والو طالبانو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.