منځپانګې ته تلل
چهارشنبه ۱۸ نومبر ۲۰۲۶ · کابل ۱۱:۴۶ غ.م
۱۳°صاف · ↑۱۴° ↓۲°د هوا کیفیت: منځنی
غړي

سمنګان کې یوه ښوونځي ته ودانۍ جوړېږي

· ۱ دقیقه لوستل · ۱۰۶ کتنې

 

ایبک (پژواک، ۹ تله ۹۸): د سمنګان د مرکز ایبک اړوند د لرغان کلي د هلکانو ښوونځي ته د ۹ اعشاریه درې ميلیونه افغانو په لګښت نوې ودانۍ جوړېږي.

د سمنګان د پوهنې ريیس نن د یاد ښوونځي ودانۍ د کار د پیل په مراسمو کې وویل چې دغه ودانۍ ۱۲ ټولګي او اداري خونې، کمپیوټر، لابراتوار او نور اړوند ملحقات په نظر کې نیول شوي دي.

د هغه په خبره چې په دغه ښوونځي کې دمګړۍ ۱۳۰۰ هلکان په یوه غیر معیاري ودانۍ کې زده کړې کوي.

د سمنګان والي عبدالطیف ابراهیمي د دې پروژې له ترسره کوونکي وغوښتل چې د ښوونځي ودانۍ په جوړولو کې له ښه کیفیت لرونکو توکو ګټه واخلي او له تړون سره سم کار پر مخ بوځي.

د سمنګان د پوهنې ریاست د معلوماتو له مخې چې د دغه ولایت په ۳۰۰ ښوونځیو کې ۱۱۹زره زده کوونکي پر زده کړو بوخت دي.

د سرچینې د معلوماتو له مخې، د یادو ښوونځیو له ډلې ۲۰۶ یې ودانۍ لري او ۹۴ نور یې د ودانۍ نه درلودو له امله په کرایي ودانیو او یو شمېر نور یې تر خېمو لاندې زده کړې کوي.

غړي

You need to subscribe to view the full article. Please login or register a new account.

اړوند خبرونه

ټول ښوونه او روزنه