منځپانګې ته تلل
چهارشنبه ۱۸ نومبر ۲۰۲۶ · کابل ۱۱:۴۷ غ.م
۱۳°صاف · ↑۱۴° ↓۲°د هوا کیفیت: منځنی
غړي

اروزګان یوازې درې سلنه نجونې زده کړو ته لاسرسی لري

· ۲ دقیقې لوستل · ۱۰۱ کتنې

ترینکوټ (پژواک، ۱۸ تله ۹۸): د اروزګان د پوهنې رياست چارواکي وايي چې په دغه ولايت کې يواځې درې سلنه نجونې زده کړو ته لاسرسى لري.

دغه څرګندونې د اروزګان د پوهنې رييس ميرزا محمد سالارزي د تلې په ١٨مه د نجونو نړيوالې ورځې نمانځلو په غونډه کې وکړې.

هغه وويل چې سږ کال په ټوله نړۍ کې د نجونو ورځ زده کړو ته د نجونو د لاسرسي تر نامه لاندې نمانځل کېږي.

ده زياته کړه چې په دغه ولايت کې يواځې درې سلنه نجونو زده کړو ته لاسرسى لري چې د اندېښنې وړ دى.

سالارزي وویل، په ټول ولایت کې ٦٤زره زده کوونکي پر زده کړو بوخت دي چې له ۱۲ سلنه يې نجونې دي.

په دې غونډه کې د اروزګان مرستیال والي سید سادات ناصري بيا له کورنيو غوښتنه وکړه چې پر خپلو لوڼو هم زده کړې وکړي.

ده وويل: ((دا ډېر خواشينوونکى دى چې يواځې درې سلنه نجوني ښوونځيو ته ځي، په دې اړه بايد خلکو ته عامه پوهاوى وشي او خلک هم بايد همکاري وکړي.))

بل لور ته د مرکز ترينکوټ د ملالۍ لېسې زده کوونکې لېمې پژواک ته وويل، کلتوري محدوديتونه د دې لامل شوي چې خلک پر خپلو لوڼو زده کړې نه کوي.

هغې وويل: ((دلته چې کومه نجلۍ درس و وايي بيا خلک ورته په  ښه سترګه نه ګوري.))

د يادونې ده، د اروزګان ترڅنګ په يو شمېر نورو ولايتونو کې هم نجونې له زده کړو څخه بې برخي دي.

غړي

You need to subscribe to view the full article. Please login or register a new account.

اړوند خبرونه

ټول ښوونه او روزنه