د بلخ د چهاربولک ولسوالۍ امنيه قوماندان ووژل شو

مزار شريف (پژواک، ١٥ لړم ٩٨): د بلخ ولايت د چهاربولک ولسوالۍ امنيه قوماندان د وسله والو طالبانو په يوه بريد کې وژل شوى دى.

د بلخ د امنيې قوماندانۍ وياند عادل شاه عادل د لړم په ١٥مه پژواک خبري اژانس ته وويل چې وسله والو طالبانو تېره شپه د چهاربولک ولسوالۍ پر امنيې قوماندانۍ ډله ييز بريد وکړ.

هغه زياته کړه، په دې جګړه کې چې درې ساعته يې دوام وکړ، د يادې ولسوالۍ امنيه قوماندان سمونوال کرام الدين ووژل شو او درې ساتونکي يې ټپيان دي.

د عادل شاه په وينا، په جګړه کې وسله والو طالبانو ته هم مرګ ژوبله اوښتې، خو شمېره يې په ډاګه نه کړه.

نوموړي وويل چې د قوماندانۍ او ولسوالۍ ودانۍ د دولت په واک کې دي او طالبان په شا شوي دي.

طالبانو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.