د ناکامورا جسد جاپان ته ولېږدول شو

کابل (پژواک، ۱۶ لیندۍ ۹۸): د ناکامورا جسد په کابل کې د هغه د کورنۍ غړو ته وسپارل شو او خپل هېواد کې به خاورو ته وسپارل شي.

ډاکټر ناکامورا د تېرې چهارشنبې په ورځ سهار مهال په جلال اباد ښار کې د وسله وال بريد په ترڅ کې له خپلو پنځو ملګرو سره و وژل شو.

نن د لیندۍ په ۱۶مه د هغه جسد د يو لړ مراسمو په ترڅ کې د حامد کرزي بین المللي هوايي ‌ډګر کې د هغه مېرمنې او لور ته وسپارل شو.

د ناکامورا د جسد د تسلیمېدو په مراسمو کې ولسمشر محمد اشرف غني وویل چې د ناکامورا قاتلین به ګیر او د قانون منګولو ته به وسپارل شي.

ده زیاته کړه چې د ناکامورا نابشپړې شوې پروژې به د ناکامورا په نوم تکمیل شي.

د هغه په وينا، ناکامورا یو ستر شخصیت و چې ټول عمر یې خلکو او په  ځانګړې توګه محروم قشر (افغانانو) ته وقف کړی او د دوی د هېواد د ابادولو لپاره یې کار کاوه.

ولسمشر وایي، ناکامورا د کونړ سیند اوبه  را مهار کړې ، افغان ملت یې له وچکالۍ وژغوره او دوی ته یې د اوبو په وسیله ارامي ورکړه.

اشرف غني د افغانستان او چاپان ولس ته تسلیت وړاندې کړ او ويې ویل چې ناکامورا له انسانیت سره مینه درلوده او تل یې انسانیت ته کار کړی دی.

غړي

You need to subscribe to view the full article. Please login or register a new account.