ایبک (پژواک، ۶ مرغومى ۹۸): سميه ييزو مسوولينو په سمنګان کې د څلورو طالبانو د وژل کېدو او ددغه ولايت د خرم او سارباغ لپاره د طالبانو د پوهنې د مسوول د نيول کېدو خبر ورکړ.
د سمنګان د دره صوف پايين ولسوال عبدالیقین احمدي وايي چې ددغې ولسوالۍ د ريګي کوتل په سيمه کې د دولت د وسله والو مخالفينو د تلاشۍ پر يوه محل تېره ورځ عمليات ترسره شول، چې په ترڅ کې يې څلور وسله وال ووژل شول او يوبل ټپي شو.
د سمنګان د امنيه قوماندانۍ د مطبوعاتو مسوول منير رحيمي وايي چې د خرم او سارباغ لپاره د طالبانو د پوهنې مسوول ملا عبدالخالق د امنيتي ځواکونو له لوري نيول شوى دى.
د هغه په وينا، چې ملا عبدالخالق تېره ورځ له غرمې وروسته ددغې ولسوالۍ د خواجه قشقار په سيمه کې له يو ميل کلاشينکوف او مهماتو سره ونيول شو.
وسله والو طالبانو تراوسه پورې په دې اړه څه نه دي ويلي.
غړيYou need to subscribe to view the full article. Please login or register a new account.
