مزارشريف (پژواک، ۱۱ مرغومی ۹۸): په بلخ کې د طالبانو برید له امله د مزار- شبرغان لویې لارې شپږ سرتېري او دوه سیمه ییز پولیس وژل شوي دي.
د بلخ امنيه قوماندان اجمل فايض د مرغومي په ۱۱مه پژواک خبري اژانس ته وويل چې تېره شپه يوه ډله وسله والو د مزار- شبرغان لويې لارې په اوږدو کې د علم خېل سيمې پر امنيتي پوستې بريد وکړ.
هغه زياتوي چې په نښته کې د شاهراه شپږ ملي او دوه سيمه ييز پوليس وژل شوي او درې نور سرتېري ټپيان دي.
نوموړي تاييد کړه چې د دې امنيتي پوستې کنټرول د لنډې مودې لپاره د طالبانو لاس ته ورغلی و، خو زياتوي چې د کومکي ځواکونو په ور رسېدو طالبان له سیمې پر شا شوي دي.
د بلخ امنیه قوماندان د پېښې د څرنګوالي په اړه نور جزئیات ورنه کړل، خو د بلخ ولایتي شورا پخوانی غړی ذبیح الله کاکړ وايي چې دغه برید د طالبانو د يوه نفوذي کس په واسطه ترسره شوی دی.
هغه زياتوي چې په دې پېښه کې د لویې لارې ۹ پوليس وژل شوي او طالبانو ټول تجهیزات له ځان سره وړي دي.
د علم خېلو کلي اوسېدونکی زمری وايي چې بېګا ټوله شپه يې په سيمه کې جګړه روانه وه.
هغه زياتوي چې د جګړې له امله پېښې ته نږدې کورنۍ هم له خپلو کورونو وتلې دي.
طالبانو تر اوسه په دې تړاو څه نه دي ویلي.
غړيYou need to subscribe to view the full article. Please login or register a new account.
