مزارشريف (پژواک، ۱۴ کب ۹۸): د بلخ ولايت په بېلابېلو امنيتي پېښو کې پوليس، وسله وال طالبان او ملکيان وژل شوي دي.
تېره شپه د مزارشريف ښار د اوومې امنيتي حوزې په مربوطاتو کې د پوليسو خپلمنځي نښته کې د اوومې حوزې يو افسر وژل شوی دی.
د بلخ د امنيې قوماندانۍ وياند عادل شاه عادل د کب په ۱۴مه پژواک ته وويل چې پېښه د ښار د اوومې حوزې په مربوطاتو کې هغه مهال رامنځته شوه چې د جوزجان د امنيې قوماندانۍ د استخباراتو د مدير او د مزارشريف د اوومې حوزې د پوليسو ترمنځ نښته وشوه.
د عادل په خبره، په دې نښته کې د اوومې حوزې افسر لومړی څارن رفيع الله وژل شوی دی.
نوموړي که څه هم د دې پېښې په تړاو زيات جزئيات شريک نه کړل خو ويې ويل چې د يادې قضيې په تړاو د جوزجان ولايت د استخباراتو مدير وحيد مومند او د هغه دوه ساتونکي نيول شوي دي.
عادل وويل چې د دې پېښې بشپړ جزئيات به وروسته له رسنيو سره شريک کړي.
په ورته مهال تېره ورځ د بلخ د چمتال ولسوالۍ په عرب مزاري کلي کې هم د ماين چاودنې له امله ۳ ماشومانو خپل ژوند له لاسه ورکړی دی.
د امنيه قوماندانۍ وياند عادل شاه عادل پژواک ته وويل، تر اوسه معلومه نه ده چې دغه ماين پخوانی دی که طالبانو تازه ځای پر ځای کړی و.
د چمتال د عرب مزاري کلي قومي مشر حاجي سيف الدين پژواک ته وويل، ياد ماشومان هغه مهال وژل شوي چې د لوبو پر مهال يې يوه ناچاودېدلې مرمۍ موندلې وه او لوبې يې پرې کولې.
هغه زياته کړه چې د چاودنې له امله دوه ماشومان چې د ۱۴ او ۱۶ کلونو وو، ځای پر ځای وژل شوي او يو بل ماشوم چې عمر يې ۱۷ کاله وو په روغتون کې يې ساه ورکړې ده.
له دې سره د امنيې قوماندانۍ وياند عادل شاه عادل خبر ورکوي چې تېره شپه د بلخ ولسوالۍ د ثمرقنديانو کلي پر امنيتي پوستې طالبانو بريد کړی دی.
هغه وايي چې په بريد کې ۲ پوليس ټپيان شوي او دغه راز طالبانو ته هم مرګ ژوبله اوښتې، خو کره جزئيات يې وړاندې نه کړل.
د بلخ يوې امنيتي سرچينې بيا پژواک ته وويل چې په دې نښته کې ۳ پوليسو خپل ژوند له لاسه ورکړی خو د بلخ امنيې قوماندانۍ دا خبر رد کړه.
په ورته مهال نن سهار د ۲۰۹ شاهين قول اردو له مطبوعاتي دفتره په خپره شوې اعلاميه کې ويل شوي چې تېره شپه د بلخ په دولت اباد ولسوالۍ کې د طالبانو او امنيتي ځواکونو په نښتو کې دوه وسله وال طالبان وژل شوي دي.
طالبانو بيا د بلخ د تازه نښتو په تړاو تر اوسه رسنيو ته څه نه دي ويلي.
غړيYou need to subscribe to view the full article. Please login or register a new account.
