کابل (پژواک، د غویي لومړۍ نیټه ۹۹): د ملي دفاع وزارت وايي چې په بیلا بیلو ولایتونو کې دامنیتي پيښو پر مهال وسله و الو طالبانو او ملکي وګړو ته مرګ ژوبله اوښتې ده.
له تندر قول اردو څخه د غويي په لومړۍ نېټه پژواک خبري اژانس ته په استولې شوې خبرشوې خبرپاڼه کې راغلي چې تېره ورځ ناوخته د غزني ولایت مرکز اړوند د نوغي په سیمه کې د وسله والو طالبانو او امنیتي ځواکونو په یوه برید کې يو تن وسله وال طالب وژل شوی او درې تنه ټپیان دي.
د یادې خبرپاڼې له مخې، د پکتیکا ولایت د برمل ولسوالۍ د مرغې په سیمه کي د ملکیانو پر یو عراده موټر د وسله والو له خوا د سړک غاړې ماین په چاودنه کې ۶تنه ملکیان وژل شوي دي.
دغه راز د یادې قول اردو په دغه خبرپاڼې کې ویل شوي چې د لوګر ولایت د څرخ ولسوالۍ د دشت قلعه سیمې په یوه برید کی د وسله والو طالبانودولسوالۍ نظامي مسوول وژل شوی دی.
د سرچینې په وینا، د دغه برید په پایله کې یو تن شکمن، ۱۶کړۍلاسيبمونه، درې عرادې موټرسایکلونه او ځینې نظامي توکي د امنیتي ځواکونو لاسته ورغلي دي.
د ملي دفاع وزارت لخوا په یوه خپره شوې خبرپاڼه کې راغلي چې له غرمې مخکې یوشمیر طالبانو د بادغیس ولایت په بالامرغاب ولسوالۍ کې، د افغان دفاعي او امنیتي ځواکونو پر پوستو د برید پلان درلود.
سرچینې زیاته کړې، د هېواد ملي دفاعي ځواکونو د هوایي ځواک په ملاتړ، د فعالې دفاع په چوکاټ کې دغه پلان شنډ کړ، چې په پایله کې، ۵ طالبان ووژل شول او ۴ نور یې ټپیان شول.
خو طالبانو تر اوسه په دې اړه څه نه دي ویلي.
غړي
You need to subscribe to view the full article. Please login or register a new account.
