لوګر کې د ترافيکي پېښې له امله اووه کسانو ته مرګ ژوبله اوښتې

پل علم(پژواک، ٩ غويی ٩٩): د لوګر په محمد اغې ولسوالۍ کې د ترافيکي پېښې له امله دوه کسان مړه شوي او پنځه نور ټپيان دي.

د لوګر د امنيې قوماندانۍ وياند شاپور احمدزي د غويي په نهمه پژواک خبري اژانس ته وويل چې نن له غرمې مخکې شاوخوا يوولس بجې د محمد اغې ولسوالۍ اړوند د شېخک کلا په سيمه کې دوه کرولا موټرو سره ټکر کړى دى.

احمدزى وايي چې په دغه پېښه کې دوه کسان مړه شوي او پنځه نور ټپيان دي.

په ورته وخت کې د محمد اغې ولسوالۍ د شفيق الله لودين دولتي روغتون ډاکټر بسم الله پژواک ته وويل چې له يادې پېښې څخه دوه جسدونه او پنځه ټپيان دوى ته انتقال شوي دي.

هغه زياتوي چې د دوو ټپيانو روغتيايي حالت ښه نه دى او کېداى شي د درملنې په موخه کابل ته ولیږل شي.

د يادونې ده چې ډېرى مهال دغه شان پېښې د موټر چلوونکو د بې احتياطۍ او يا هم د سړکونو د خرابولي له امله رامنځته کيږي.

غړي

You need to subscribe to view the full article. Please login or register a new account.