دویم تعقیب/ کابل (پژواک، ۲۳ غبرګولی ۹۹): د کابل امنیه قومانداني وايي چې د کابل ښار په کارته چهار سیمه کې د شېرشاه سوري په جامع جومات کې د لمانځه پر مهالشوې چاودنې د یاد جومات د ملا امام په ګډون څلور کسان وژلي او اته تنه نور ټپیان شوي دي.
د کابل د امنیې قوماندانۍ ویاند فرامرز فردوس خپله فېسبوک پاڼه کې لیکلي: ((د لومړنیو معلوماتو له مخې، نن ماسپښین د جمعې لمانځه پر مهال په جومات کې ځای پر ځای شوو چاودېدونکو توکو چاودنه کړې چې د یاد جومات ملا امام عزیزالله مفلح او درې نور لمونځ کوونکي وژل شوی او اته تنه نور ټپیان شوي دي.))
دغه راز هغه لیکي: ((مقدس مکانونه او عبادرت ځایونه له هر ډول ګواښه خوندي دي خو د اسلام او افغانستان دښمنان د ټولو انساني او اسلامي ارزښتونو خلاف خپلو جنایت کارانه کړنو ته دوام ورکوي.))
عیني شاهدان وايي چې چاودنه د جمعې د لمانځه ادا کېدو پر مهال وشوه او ټپیان یې روغتونونو ته ولېږل.
دا په داسې حال کې ده چې د غبرګولي په ۱۳ نېټه د وزیر محمد اکبر په جامع جومات کې هم چاودنه وشوه چې په کې د دغه جومات ملا امام ډاکتر محمد ایاز په ګډون دوه کسان ووژل شول او دوه نور ټپیان وو.
غړيYou need to subscribe to view the full article. Please login or register a new account.
