ښرنه (پژواک، ٢٩ چنګاښ ٩٩): د پکتيکا د سروبي ولسوالۍ امنيه قوماندان له خپلو درېيو ساتونکو سره د ماين په چاودنه کې وژل شوى دى.
د اړوندې موضوع په اړه د سروبي ولسوال محمد قاسم ايوبي د چنګاښ په ٢٩مه پژواک خبري اژانس ته وويل چې تېره شپه د دې ولسوالۍ پر امنيه قوماندان لومړي ساتنمن دريا خان تلاش باندې د ماين چاودنه شوې ده.
هغه وايي: ((له خپلو ملګرو سره پورته کلي ته تللى و همدلته پرې د ماين چاودنه شوې ده.))
د نوموړي د معلوماتو له مخې, په دغه چاودنه کې امنيه قوماندان دريخان او درې ساتونکي يې وژل شوي دي.
دغه راز د يادې ولسوالۍ اوسېدونکي زلمي خروټي پژواک ته وويل چې دريخان د طالبانو پر وړاندې ډېر عمليات ترسره کړي وو او دغه غرنيزه سيمه يې امن کړې وه.
هغه وويل: ((تېره شپه د ماين ښکار شوى دى، موږ پرې سخت خپه يو.))
همدارنګه د يادې ولسوالۍ يو بل اوسېدونکي د نوم د نه خپرولو په شرط پژواک ته وويل: ((دريخان په خپلو شخصي امکاناتو دغه ولسوالۍ امن کړې وه، په خپلو شخصي پيسو يې له لسو ډېرې پيکاوې، راکېټونه، هاوانونه او نور وسلې اخيستې وې چې د طالبانو پر وړاندې په عملياتو کې به يې ترې ګټه پورته کوله.))
د يادونې ده چې څو ورځې وړاندې هم د دغه ولايت د بکخېل ولسوالۍ امنيه قوماندان عالم شاهين هم له طالبانو سره په مخامخ جګړه کې وژل شوى و.
غړيYou need to subscribe to view the full article. Please login or register a new account.
