په سمنګان کې د ولسي پاڅون کوونکو قوماندان وژل شوی

ایبک (پژواک، ۲۲ لړم ۹۹): طالبانو د سمنګان په مرکز ایبک ښار کې د ولسي پاڅون کوونکو قوماندان وژلی دی.

د سمنګان د امنیې قوماندانۍ مطبوعاتي مسوول څارمن منیر حیمي وویل، د قوماندان قندو په نوم د ولسي پاڅون کوونکو مشر تېره شپه اته بجې د طالبانو له خوا ووژل شو.

هغه زیاته کړه، وسله والو طالبانو د سمنګان د مرکز ایبک ښار په منګتاش کلي کې د دغه قوماندان پر کور برید کړی، نوموړی یې وژلی او د هغه وسله یې له ځان سره وړې ده.

د یاد کلي یوه اوسېدونکي د نوم نه ښودلو په شرط د طالبانو لخوا د یاد قوماندان وژل کېده تایید کړل او ویې ویل: ((قندو مخکې د طالبانو قوماندان و او وروسته یې وسله پر ځمکه کېښوده او د دې ډلې له ملاتړ یې لاس واخیست، خو په دې وروستیو کې یې بیا وسله پورته کړه او د ولسي پاڅون کوونکو د قوماندان په توګه یې دنده ترسره کوله.))

طالبانو تر اوسه په دې اړه څه نه دي ویلي.

غړي

You need to subscribe to view the full article. Please login or register a new account.