جلال اباد (پژواک، ۲۷ سلواغه ۹۹): د ننګرهار پنځو ولسواليو کې د مدني ټولنو غړو ته له فساد سره د مبارزې په پار د جوړو شويو ورکشاپونو ګډونوالو له اداري فساد سره په مبارزه کې د مدني ټولنو او رسنيو پر رول ټينګار وکړ.
دوی وويل، مدني فعالان او خبريالان کولای شي چې دغه برخه کې د مبارزې له لارې د فساد مخه ونيسي او هم فساد را کم کړي.
د افغانستان د عدالت موسسې له لوري د ننګرهار بهسودو، سره رود، کامې، کوز کونړ او دره نور ولسواليو لسګونو مدني فعالانو ته په جوړو شويو ورکشاپونو کې ور زده کړل شول چې د دوی لږه مبارزه کولای شي تر ډېره د فساد مخه ونيسي.
په ننګرهار کې د افغانستان د عدالت موسسې مسوول سيد ابرار پاچا د سلواغې په ۲۷مه پژواک اژانس ته وويل، د دغو ورکشاپونو موخه په دولتي ادارو کې د فساد مخنيوي برخه کې د خلکو همکارۍ رواجول دي.
هغه زياته کړه، روزنيز ورکشاپونه چې د بهسودو، سره رود، کامې، کوز کونړ او دره نور ولسواليو ۵۰ ښځينه او نارينه مدني فعالانو او د ټولنو غړو ته جوړ شوي و د هرې ولسوالۍ خلکو ته دوه دوه ورځې روزنه ورکړل شوې ده.
هغه زياته کړه: ((په دې روزنیزو ورکشاپونو کې ګډونوالو ته فساد د اسلام له نظره، د فساد ډولونه، د فساد په مخنیوي کې د مدني ټولنو او رسنیو رول، ټولنیز څار، د ټولګټو او د عامه خدمتونو پلټنه او څارنه او د عدالت غوښتنې سربېره د نورو ورته مهمو موضوعاتو په اړه روزنه ورکړل شوه.))
غړي
You need to subscribe to view the full article. Please login or register a new account.
