ترينکوټ ( پژواک، ۱۱ غبرګولی ۱۴۰۰): د اروزګان مرکز ترینکوټ کې د سيلابونو او موسمي ورښتونو د اوبو زېرمه کولو په موخه يو چک ډيم جوړ او ګټې اخيستنې ته وسپارل شو.
دا چک ډيم چې د سل زره متره مکعب اوبو ځایولو ظرفیت لري، پنځه مياشتې مخکې يې چارې د مرکز ترینکوټ اړوند د خیراباد په سيمه کې پيل شوې وې.
د اروزګان والي محمد عمر شېرزاد د دغې پروژې د پرانیستې په مراسمو کې وویل، دا چک ډيم د موسمي ورښتونو او سیلابونو د اوبو مهارولو لپاره جوړ شوى، چې پنځه کاریزونه به ورڅخه برخمن شي.
هغه زياته کړه، چې پر دې پروژې ۱۳ ميليونه او نهه سوه زره افغانۍ لګښت راغلى چې د نړيوالې غذایي ادارې یا ( WFP . . .
