پاکستان: په افغانستان کې د زور له لارې د واک ترلاسه کولو ملاتړ نه کوو

<p style="text-align: justify;">کابل (پژواک، ۱۰ چنګاښ ۱۴۰۰): د پاکستان د بهرنیو چارو وزارت وایي چې افغان شخړه نظامي حل لاره نه لري او دوی په زور د واک ترلاسه کولو ملاتړ نه کوي.</p>

<p style="text-align: justify;">د بهرنیو چارو زوارت ویاند زاهد حفیظ د چنګاښ په ۱۰مه، په اسلام اباد کې د خبري غونډې پر مهال وویل چې خپل هېواد ته د افغان کډوالو بېرته ستنېدل هلته له سولې سره تړاو لري.</p>

<p style="text-align: justify;">هغه زیاته کړې چې د کډوالو په اړه یې له نړیوالې ټولنې سره څو ځلې خبرې کړې دي.</p>

<p style="text-align: justify;">زاهد حفیظ وایي، هېواد یې د افغانستان په سولې پروسه کې مثبت رول لوبولی، خو په کابل کې د سفارتونو د امنیت ساتل د کوربه هېواد مسوولیت وي.</p>

<p style="text-align: justify;">ده زیاته کړې: "موږ په افغانستان کې له نظامي لارې د واک ترلاسه کولو ملاتړ نه کوو، زموږ هیله او غوښتنه دا ده چې بین الافغاني مذاکرات بریالي شي، ځکه چې افغان شخړه له نظامي لارې نه هواریږي."

د پاکستان د بهرنیو چارو وزارت ویاند وویل چې له ایران او نورو ګاونډیانو سره به په ګډه د افغان شخړې هواري او سولې پروسې د بریا لپاره کار کوي.</p>