کابل (پژواک، ۱۸ کب ۱۴۰۰): پخواني ولسمشر حامد کرزي ویلي چې اوکراین باید د افغانستان له تجربو زده کړه وکړي او اجازه ورنه کړي چې ستر قدرتونه به دغه هېواد کې نیابتي جګړه پر مخ بوځي.
د امریکا د راپور له مخې، کرزي له (هندو) ورځپاڼې سره په مرکه کې ویلي: "زموږ په څېر هېوادونه، افغانستان او اوکراین باید د سترو ځواکونو په لوبو کې دخیل نه شي؛ نتیجه یې دا ده چې تل تر پښو لاندې شوي."
هغه له روسي یرغل سره د مقابلې لپاره اوکراین ته د بهرنیو جنګیالیو ورتلو ته په اشاره ویلي که د اوکراین د مشر پر ځای وای، دغه کار ته یې دوام نه ورکاوه.
کرزي زیاته کړې: "بهرني جنګیالي افغانستان ته هم راغلل او افغانستان ته د هغو لکه القاعده او اسامه بن لادن او نورو د راتګ نتیجه مو ولیده...تر ننه ترې رنځېږو."
پر اوکراین د روسیې له یرغل وروسته د دغه هېواد ولسمشر ولادیمیر زیلنسکي اعلان وکړ چې بهرنیو جنګیالیو ته اجازه ورکوي څو د روسیې له یرغل سره د مقابلې لپاره یې هېواد ته داخل شي.
دوه ورځې مخکې د اوکراین د بهرنیو چارو وزیر وویل، لږ تر لږه ۲۰زره بهرني جنګیالي د روسیې پوځیانو پر وړاندې د جګړې لپاره اوکراین ته رسېدلي دي.
غړيYou need to subscribe to view the full article. Please login or register a new account.
